急!兔兔肯食野但唔飲水

養左兔兔幾日
兔兔初初番黎屋企 會食野(只有草)同飲水 因為未買飲水器所以就用住個兜先
第一次尿尿都黃黃地色 食野胃口唔錯 比佢出籠行下都幾活躍
之後夜晚同佢清理既時候 見到d尿尿紅色 我嚇左一嚇 但佢食野仍然唔錯 精神都好好
第二日就即刻去專賣兔仔野既pet shop買飲水器(仲有兔糧)比佢
買完飲水器既夜晚 見d水無少過 諗住佢唔識用於是教佢啦
我捉住個樽 放個飲水器既出水位係佢個嘴度 佢lam過啦 應該知有水
但過左一段時間就訓戈陣 d水都無少過 我驚佢唔識跟住無水飲 於是係個兜度比小小水佢

第二朝個兜既水就無曬 但個樽既水依然無少過 開始擔心...
我怕佢唔飲水所以唯有格硬放個出水位係佢個口到要佢飲
佢初時都飲啦 尿尿都仲有既 橙色既
但第二日夜晚唔知係咪無訓過 開始無咁活躍 成日趴係度...唔係好想離開個籠咁
我見佢好似有d攰咁就唔嘈佢比佢休息下

今日朝早仲有尿尿(橙色)但比起第一日少左 胃口仲好好 但精神好似無咁好 攰攰地咁
之後我放學番到屋企發現一d尿尿都無 水又一滴都無飲過 (除左我逼佢飲戈少少既水)
直到e+(第三日夜晚)仍然一d尿尿都無 得d便便(前兩日直到第三日朝早既便便都係乾身同硬 係深啡色,但最近幾次都係濕濕地同軟左)

總括而言. 水一日比一日飲得少, 相對尿都減少左..但胃口就無變過..便便差唔多都係咁多

Q1. 點先可以令佢飲水?(呢三日都有比菜佢食,唔算好多,半碗度)
Q2. 會唔會係有病?可能係咩病?
Q3. 佢唔飲水會唔會有事?尿尿既顏色又反映d咩?(有比過紅蘿蔔佢食 但只係一兩片,佢中意食的)
Q4. 點解精神會差左?屋企夜晚都好靜,住最高戈層,但可能只係黎左屋企幾日,所以唔敢訓住(?)