討厭面對老爺奶奶！

我和老公即將結婚，我係一個好遷就人的一個人
但真係受唔住佢家人
我現在21歲，老公大我11年
老公家是有錢人家
但老爺奶奶就是愛面子！大男人！
我都可以順佢地意思
佢就唔好點就唔好點！
老爺成日將：*聽下老人家意見！我先夠道行！*掛係嘴邊！
講野從來唔理人感受，難道佢唔記得我地都係人嗎？
婚期將近，又要幫老公打理店務，又要搞婚事，又要裝修新屋，已經好辛苦
但佢地從來冇關心我地
只係專心諗下點搞大個婚禮，全部婚禮準備都要聽佢意思！
作為女人，結婚係一生人一次！連婚紗相都只可以係香港影
我知道結婚唔係2個人的事，家人意見都要聽
但連我揀咩晚裝、婚紗都要管！我真係.......................
我爸媽都唔太鐘意佢倆老
因為雖是住在人人都渴望的寶馬山，但裝修卻好孤寒！買的都是平料！
我媽說：床是最重要！要買貴一點！
但老爺卻貪有現貨買張2千玩床架！
媽媽便已經開始覺得反感，點解唔買一張好的床俾我個女訓？！
還有其他種種霸道行為！

這一切，我都一一忍受！
但係，經過今晚件事，我真係要爆！
還有7天要結婚了！
今天，2家人一齊食餐飯，順道傾一下婚事
（原來進場時，老爺安排個姪女彈琴）
由於我地冇安排表演節目
所以我媽說有個朋友個女想係婚宴期間彈一首曲
奶奶即時說：得唔得架？我姪女係演奏級黎！做老師
（老爺聽唔到我地傾內容）

然後老爺同我爸講：你到時上台致詞講咩呀？
我爸：我唔識講野架…
老爺：你講...我個女嫁得好好！

問題來了！
回家後，我老爺打黎
老爺：你冇啦啦做咩叫人黎彈琴呀？
我：只係係期間當係表演，彈一首歌
老爺：你明知我搵姪女黎彈，就唔好再搵多個人黎彈！想搶風頭呀？
結婚係你地2個，專心搞好就得，唔好搞其他野出黎！
冇用的我：嗯....我同媽講聲先

好難受！點解可以咁自私！個婚禮係你的吧？！
我家人就冇權參與嗎？
我媽好嬲！說：好巴閉咩？成日扮晒豪咁，其實就又要面子又孤寒！從來唔諗下我個女咁細就嫁俾你地羅家！我地從來唔係為搶風頭！我地冇你咁多機心
仲有，佢點解要爸爸致詞講：我個女嫁得好好呀？我地好恨嫁入羅家嗎？！

媽決定以後唔會理羅家.........
我唔知日後點面對老爺奶奶！係佢地面前，我和老公只有妥拹嗎？！