30000蚊兩個去歐洲旅行可以嗎?

必需話比樓主知，如樓上tone兄所講，歐洲自由行絕對唔會平得過跟團，好多時仲要貴D。即使兩種旅行方式最終駛費差不多，但由於自由行無旅行社安排搭路，食宿一定比跟團差，從價值來講自由行會比跟團貴。

不過既然樓主講明只去英法，而且只係6至7日，咁又唔同講法。首先請留意，呢兩個國家非常大，一年半載都去唔晒，幾日團必定係重點遊覽。如果樓主未去過呢兩國，甚至未去過歐洲，咁第一次就遊英法就係最好既選擇，不僅來回香港方便，而且兩國景點經過小心選擇，無論時間長短及駛費都可以有良好既方案。

以樓主既條件來睇，兩個人三萬蚊，只可以遊巴黎、倫敦及倫敦附近週邊城市，如劍橋及牛津。唔好以為呢幾個地方好短程，要知道整個法國所有最重要既精華大部份集中係巴黎，剩係呢個城市已至少要玩4日3夜。至於英國，劍橋及牛津各需要一日，倫敦又需要一至兩日，所以整個行程需要8至9日左右。唔好以為要用好多錢，如果樓主願意住2、3星酒店，食得簡單D，一個人全程用$15,000絕對有可能，而且收穫可以非常豐富。

巴黎有以下必遊景點﹕ 聖母院、鐵塔(包埋上去)、凱旋門(可以上埋去睇博物館)、羅浮宮、凡爾賽宮、蒙馬特區、塞納河船河、香榭麗舍大道。可以一遊既包括﹕ 龐比度中心、先賢祠、蒙馬特區內既畢加索博物館、軍事學院博物館及拿破崙墓。

倫敦比較無咁多野睇，因為有好多景點關門時間好早，或根本唔比入，但必遊景點包括﹕ 大英博物館、白金漢宮睇禁衛軍換更、國會大廈及大笨鐘、西敏寺、塔橋、倫敦眼。可以一遊既包括﹕ 海德公園、倫敦塔(入場費要20鎊，好貴)、聖保羅大教堂、泰唔士河船河、福爾摩斯故居。

小弟個人認為初遊英國，劍橋及牛津比倫敦更好睇，尤其是劍橋可謂令人驚艷。劍橋最正既劍河上遊船河，整個過程非常浪漫，天氣好時兩岸景色美得令人目眩，另外係劍橋城四圍走亦感覺亦非常好。不過劍橋與牛津一樣，佢地D學院要收費先入得，而且係每間學院各自獨立收費，仲要收錢入去都未必可以四圍行參觀，呢樣野實在令人唔係幾高興。

牛津好少少，開放比人參觀既地方較多，而且佢有一個規模幾大既博物館，亦有一個好優美既公園，不過牛津城整體無劍橋咁靚，但仍然值得花一日遊覽。

2013-09-21 00:24:12 補充：
再補充 tone 兄關於郵輪既回應。歐洲及美洲長線郵輪係世界上最昂貴既旅遊方式，剩係機票已經用左幾千蚊。由於歐美郵輪一般航程長，至少去8至9個城市，有D最長既甚至去十幾個城市，即使你願意住內艙房，所有駛費夾埋每人至少$25,000起錶，而且呢個仲係必需二人同行，每人佔半房先可以做到既價錢，否則單人行至少超過$30,000。

我每次都是去這里看的哦, http://Lvmiss。com
偪凭

還是要去 http://aaashops。com 品質不錯，老婆很喜歡。
俛信俼

應該可以，不過只夠你去一個城市約一兩日，免住宿，近機場。

你錯嘞 !自悠行若果加埋機票，食宿全程，絕對唔會便宜過 join團。HK$30,000兩個人，平均每人$15,000單係機票已經花去一半，除非你去做背包客，勉強還可以。HK$15,000只等值 1,500歐元+或千元英鎊+，在倫敦唐人街，喫一碟牛河約10鎊，喺巴黎，食個 pizza要成 $10歐羅，唔够錢，去得真係痛苦，索性跟團吧，$15,000去歐洲7天可以做到，冇謂多心。

2013-09-20 19:03:11 補充：
再答你：(1)唔包括來回歐洲機票和住宿，去7-8日，每人使用HK$15,000就差唔多好。
(2) 乘坐郵輪更加唔使冧，歐洲的郵輪假期，包括地中海 (希臘-義大利)，西地中海(西班牙-葡萄牙)，北歐波羅的海 (芬蘭，瑞典，挪威，亞美尼亞)，全部團費都以美金計算，仲唔包括來回機票。