聽我訴下苦都好...最好朋友都走啦...想離開香港

依家中五，中一識咗個好友小B，果陣住得好近，日日都見面...好朋友到不得了，出街又約，有好多共同回憶。F1過後，去到F2因為為左d事嘈交，所以無再聯絡，同時佢亦識左另一個好朋友小C，佢地志同道合，鐘意扮靚，果陣見到佢地post相上FB，唔開心到喊咗幾輪！天意弄人，F3又同佢同一班，岩岩開始都好陌生，因為佢真係成個人唔同晒，而我仲係咁！慢慢我地又熟返，開始有返話題，然而佢已經有另一班fd，小c都在內！我已經唔介意，有返依個fd已經好開心，到左F4，我被調到一班完全唔熟既班！喊到癲咗，而小b同小c一班（f4既班會原班升到中六）但我同小B都成日出去食飯〜當中f3到依家，佢有咩一出聲我都會仆心仆街出幫，從不say no，但我幫佢唔係為d咩，原全係因為我真係真心當佢好朋友好姐妹，中四選修科，我地都一樣同一班，相處後，覺得其實無論我點好都比唔上小C，我只求佢有事幫忙都會記得有我依個人存在。中四升中五既暑假，發現自己有抑鬱症，醫生話我長期負面，已經積咗幾年，無話可說...我係一個敏感，細膽，好弱既人，將好朋友放第一位！中四果年因為朋友關係，唔想留係HK，決定去澳洲讀書，已經下定決心，公告天下之後，小B知道後...佢同我講知我走佢唔開心，唔開心無咗個朋友係到，我一刻開心到喊，第一次聽到佢話唔捨得！我當然最後都無走到，到依家中五，無約過食飯好耐啦。同佢傾計應酬我幾句就算...有幾次佢都有意無意講佢同小C係好姐妹，無論做咩都要同小C一齊。我真係好灰，身邊一個好朋友都無，我得佢一個，我知人地無義務對我好，但識咗4年真係小小既共同開心回憶都無？我想真係消失咗，好想知佢會有咩感覺，死又好轉校又好，真係心淡唒！可能我真係一d係佢心目中係一個無關痛癢既人...我太執著依段友誼，好想放低一切，走.....