我好似鐘意左個男仔

咁我地其實唔係識左好耐
大半年左右咁啦
但係我地係呢2,3個月先開始FD架
佢個人幾好架 姐係對好多人都好好果種
跟住有時都會講下笑咁 整古下人咁

有時佢又會陪我返屋企咁
跟住我有時都會玩下佢囉
我試過拎左佢條屋企鎖匙返屋企拎左4日都未比返佢
跟住比返佢之後 又拎左佢部電話
但之後一日就比返佢
佢都係話 無所謂啦無所謂啦 咁....
跟住仲試過佢個銀包同眼鏡...
但係因為佢銀包入面有張身分證
佢以為唔見左 跟住比佢父母鬧左一餐
咁我比返佢之後 佢又無嬲咁 佢就話 好彩係你拎左唔係唔見左咋
佢返到屋企仲要無同佢父母話係我拎左 佢靜係話有個人執到之後拎返去學校
我問佢點解 佢話因為之前鎖匙同電話件事佢父母都知
如果呢個都咁講 佢父母實話佢成日掛住溝女 跟住我拎佢D野係因為我鐘意左佢

跟住另外佢有成日搵我傾下咁
有時同埋另一個朋友上網打下牌咁
佢另一個朋友係鐘意我既... 佢有同我表白過 但我唔鐘意佢 所以我地就KEEP返朋友既關係咁囉..
呢排我同佢有講電話 唔係靜係上網傾
主要原因就因為我屋企WIFI真係慢得好厲害啦
另外就係因為我唔係好鐘意上網同人傾計 姐係好無感情咁
咁每次都同佢傾大概1-2個鐘左右

因為我地係成班FD一齊玩啦
4個男4個女啦 [[[巧合姐...
咁我同女A就都好FD下既 佢都係D好玩得既人
咁個男既 佢之前就成日叫個女既"AA"(咁係呢到就咁叫啦 唔方便公開佢個名)
咁A都會叫返個男既呢(暫時叫Y啦) "YY" 咁 (姐係佢地個名既其中一個字重疊)
咁我聽完就又唔係呷醋果隻囉 但反正聽完就好唔舒服 (少少呷醋咁啦)
咁果日返到屋企佢又搵我啦
我就話唔想同佢講野
佢話點解丫`
我話 你去搵你既"AA"啦
佢話 你呷醋呀?
我好直接但又帶少少玩既成份答佢話 係呀 咁你咪去搵AA啦 唔好搵我
跟住佢又氹我啦 話唔好啦 我想同你傾囉 我鐘意同你傾計多D囉

反正我地既關係最近係有D曖昧咁囉
但其他人應該唔覺囉 因為其實我地平時係學校無咩架
係學校見到都好少講野 姐係大家返到屋企先會傾多D咁囉
見到面就少好多
我成日打佢 MIT佢咁架 <-因為其實我本身係個好暴力既人
我都好肯定自己對佢係有一定既好感囉
但我唔都唔確定自己係咪鐘意佢

加上問題就黎啦
睇落佢係對我唔錯咁
但係佢之前有同我講過 佢鐘意一個女仔係第二到 個女仔都中意佢
青梅竹馬 但係因為係親戚 所以屋企人唔比佢地係一齊
我有時就會話 你咪去搵你女朋友囉 唔好同我講野呀 咁
佢就會 我都無女朋友
咁我就會 你咪去溝女囉咁
佢就會 溝XX如何? (XX係我個名既重疊字)
但之後我又會扮無野咁當佢講下笑咁囉
^我地成日都係咁講囉

我又唔知佢點諗WOR
姐係佢明明有個鐘意既人 佢點解仲對我咁好
姐係我知道佢對我好可能只係朋友果種
之前我有個FD仲話 我覺得佢同對你好過B對你囉 (B係鐘意我果果)
我都好煩 都唔知點呀
我又FEEL到佢應該唔係鐘意我 應該係當我呀妹咁
但係其實我應該都唔係鐘意佢 只係好感
但點解我會咁煩 咁唔舒服(姐係我見到佢同其他人玩得埋D而無視左我呢 我就會好唔舒服 好想去GET佢既ATTENTION)
有無人可以話我知點呀T_T
THANK YOU!!