[字海] 忍唔住表左白....求解答

忍唔住表左白但冇真正咁表白話我中意佢 只係拖左女仔隻仔
佢女仔我識左一個幾月，佢未拍過拖， 唔知點解我覺得同佢一齊既時候特別自在，講野既時候都可以四目交投
我由識佢果日開始就同佢傾到今日冇停過
大家都出過5,6次街，次次都唔會有dead air
大家討論過好多大家平時唔會講既野，包括愛情觀
我同佢亦有過唔少身體接觸，好似坐得好埋，搭佢膊頭咁 佢都冇抗拒
因為我覺得之後好難再約到佢出黎， 所以今日忍唔住突然借d二咁拖左佢隻手
佢好怕羞咁，冇好討厭，之後話太快喇，鬆開左隻手
佢就問我係咪假，唔信我認真，之後我都答左佢因為佢夠真先會中意佢。
之後大家有d尷尬，但我嘗試扮冇野，之後行左一陣又好似平時咀好多野講
但跟住一齊去食野我發覺佢，我就話我比住先，但佢果陣爭住比錢，唔願意比我請佢咁
番到屋企都仲有揾佢,但佢態度明顯比之前有戒心
之後我同佢講左 我明白 一刻好感唔等於中意 做番朋友先 而佢都有答我\----------------------------\=以下係補充資料=

先交代一下我同果個女仔點識
我同佢係因為一D好奇怪既原因而識
就係搭朋友咁識

第一次見就已經一齊出街 4人行
佢第一眼見到我就已經好怕羞咁
對望之後會避開我既目光
咁一路我都嘗試係咁撩佢講野
又真係好好傾,可以死唔斷氣咁傾
因為之後要兩對人分開行方便聯絡所以我拎左佢電話

就係咁就有左佢whatsapp
果晚出完街就開始同佢傾多左計
我仲主動SEND D圖引佢笑
我諗番轉頭呢一刻佢可能都知我既意圖
但佢扮唔知
之後知道左佢近排煩緊轉學校既野
我就好主動咁樣幫左佢既忙
幫佢諗D轉校原因
後尾真係得左

過左一排,第二次出街係因為本身約左去睇戲 4人行
但臨時另外兩個唔得閒所以我就同左佢兩個人出
但因為只係第二次見 所以我都唔係好敢進取
睇戲食飯都淨係好似朋友咁
但就奇怪地好傾,但我地只不過係第二次見
但食飯果陣就感覺到大家雙眼過左下電
果晚大家都玩得好開心

但因為我同佢種關係係由朋友搭朋友咁識
所以我根本就冇理由去接近佢
亦所以我平時就會成日借D二幫佢
就係因為咁日子耐左我都幫左佢唔少
唔知係咪因為我幫得佢好多,所以我表左白之後佢仲會彩我

之後見多左幾次,一齊食飯散步吹水
再接落黎就發生左表白呢件事
我表白左果下佢好尷尬咁
之後我有嘗試同佢重新打開話題
之後一路食飯果陣都冇野
都好似平時咁傾
送佢番屋企果陣佢講笑咁話 你好快就收到 哦,嗯,呀,係咩 既回應嫁喇

係呢一刻我覺得佢仍然想同我keep住有聯絡

我表左白果晚, 大家都仲有計傾
但佢表現得有D抗拒
所以跟住果晚我就癮唔住whatsapp同佢講清楚我既感受
其實呢下算係all in 姐係衰左就朋友都冇得做
我講左好多同佢一齊既片段
我講左我點諗,點解中意佢
跟住佢都講左佢既感受

佢話最初識我果陣我幫左佢好多好多
佢當我係個勁好既朋友
跟住話佢未準備好同我一齊
話唔想因為相處落就會有feel就搵我黎試
仲話唔知將來有冇可能, 但呢刻佢真係未準備好

佢講到咁我就知佢未對我有feel
但最奇怪就係我嘗試平息個尷尬氣氛
我話你咪當識左個好真心既朋友囉
之後佢又可以變番平時咁對我有講有笑

我仲幫佢改左個花名
我突然覺得我同佢既關係好似昇華左
其實經過今次係有進步

-----------------------------------------------------------------------

但我就係唔明點解佢仲未對我有feel
明明已經有唔少身體接觸
我又對佢唔差
佢又要唔多抗拒
諗到呢下我真係R哂頭

有樣野好神奇就係我同佢基本上日日都會傾計
只要我一搵佢 , 就會傾個不停
佢係乜野都會同我講
大家都會講D低能野同互串下咁
有時我會夜晚佢訓左果陣搵佢
之後朝早佢就會應番我
咁樣keep住contact到依家都差唔多兩個月


之後到佢開學之前果晚
我唱左首歌鼓勵佢
佢好似幾開心
但佢個人係果D唔會主動講出自己感受既人
雖然佢平時係好開朗勁多野講
但佢好少會話你知佢對你所做既野既想法

之後開左學佢都會時不時上堂悶就撩下我
有時落雨天我又會關心下佢
話下佢傻豬冇帶遮
我都一直有同佢聯絡
一直佢都冇抗拒我搵佢我叫親佢單獨出街佢都唔會唔出
仲要次次都有話題
咁有次出去食野
番黎果陣我就問佢: 點解你唔會唔彩我既(因為果次傻仔咁表左白)
跟住佢就答: 淨係你先會嫁咋 , 比著其他人我一早唔理佢喇
咁我又要死問到底 : 點解既?
佢就話: 你係咪要我咁直接呀