請問狗BB幾時可以沖涼.佢好臭臭 :(

你可以幫佢沖涼 ka la!
(不過如果佢真係好污糟，你可以等到佢3個月大先同佢沖。)
至於點沖，其實唔係三言兩語交待得哂，呢度只係簡單講講

首先你要同佢買支狗狗專用既沖涼液及護毛素，通常都係一set咁買

沖之前要用適量棉花塞住佢對耳仔，等沖涼時耳仔唔會入水，否則耳仔發炎就大件事了

咁你要將水溫較到適當溫度，唔好太冷或太熱，暖水就可以了,水力亦不可太猛，因為狗狗既皮膚比我地既更敏感(第一次沖唔好嚇怕佢啊!)

一開始既時候要由pat pat開始淋，等佢適應後再向前發展，千萬唔好照頭淋佢，一來會嚇死佢，二來佢眼，耳同鼻都唔濕得水，你可以淋佢頸以下既位置同個頭殼頂

跟住落狗狗專用既沖涼液，要不停好似洗頭咁將佢既毛毛逆方向掃，令佢既底毛都可以清潔到，跟住過水，再重複落沖涼液，再幫佢洗一次，之後先落護毛素，又係要徹底d，令佢d底毛都清洗到，之後再過水

咁個頭既位置可以用小小水洗下臉既位置，不過一定要小心，唔好整到佢既眼及鼻

洗完之後即刻用毛巾幫佢抹身，再用風筒吹，無論咩天氣都好，一定要用風筒

另外你要幫佢定期剪指甲，用藥水同佢洗耳仔，修剪腳板底毛

都好多野做，同埋要小心處理的

我就比較懶，會今次自己沖，下次帶去寵物店沖，等寵物店d姐姐幫佢剪指甲，洗耳仔，修剪腳板底毛，咁自己幫佢沖時就唔使做，因為呢d都好講技巧的，當然你要搵信得過既寵物店做啦下

狗狗一般可以一個月先沖一次涼，不過真係好污糟的話都可以密番小小

我就2個星期-1個月左右先同佢沖一次涼

注意!!沖得太密會令狗狗身上油脂流失，好易會有皮膚病的

我隻狗狗以前都試過有蝨,唔知係咪我係佢好細個時就捉佢沖涼又帶佢出街後期仲搞到有狗瘟,宜家諗返都係我既錯,
如果你驚佢太細隻抵抗力唔夠強,最好當然唔沖完,
但如果真係太dirty,反而令佢有更多細菌係身仲易病,
如果有蝨,你就更加要做定d功夫,
1)去寵物店買枝專用去蝨噴劑(我每日帶狗狗出街前都會噴,之後都唔怕俾佢係草地/草叢上面玩)
2)先用消毒藥水拖地,因為地下係最多菌,如果懶,就分一個角落俾佢走動就拖個達地,
3)將佢個籠/床,同玩具完部用消菌藥水浸一浸洗一洗
4)準備一個兜(放得落狗狗便可)
一條索水毛巾
狗狗沖涼液
風筒
記住先將水溫調好,你將手放入水,你覺得有少少辣手就ok(因為狗狗皮膚唔同人,我地覺得暖,佢覺得無感覺,佢地最中意就係我地平時去浸溫泉個個溫度,我狗狗仲試過我抱佢出個兜諗住換水,佢自已走返入去坐係水到,好好笑)
跟著先幫佢沖一次水,第二次將沖涼液直接倒入水入面(因為我怕太細隻,始終狗狗沖涼液唔同人既bb有咁多監察,話哂都係化學物質,如果直接掂皮膚,狗狗bb皮膚受刺激,佢又唔識喊,你都唔知佢係怕水定皮膚痛)
沖好之後全程用毛巾包實,唔好俾佢吹到風/冷氣
然後用風筒吹乾(小心辣親佢,用隻手一路幫佢整理d毛一路試下個溫度)
最緊要係先吹乾肚仔,好多人都習慣吹身先,其實冷親好多時係因為狗狗肚仔凍親,
一定要吹到10成乾先將佢放返好將床到,咁就一定唔怕會病親