其實我當初只係對個女同學係有D好感,當見到佢果陣就會好開心,有種好想同到佢傾計+做朋友既感覺.....並冇諗過會鐘意佢....不過唔知點解不知不覺咁暗戀左佢.....唉.....即使做唔到戀人做到朋友都好吖......但自從中三下學期開始當見到佢果陣個心就覺得好酸.....感覺上變得愈黎愈疏離(可能係同調左位有關)......成日扮睇唔到佢算.....變得似陌路人一樣.....又會諗起佢同其他男同學傾計/玩得好開心/一齊放學行果陣既痛苦.......點解偏偏唔係我?嗚........我覺得自己多數可能響佢心目中既地位根本可有可無.....根本我即使響呢個世界消失左都可能唔會有人感到可惜.....最後更可能搞到鬱鬱而終.....死左都可能冇人知.....有時更因此偷哭......果陣仲搞到自己貌似殘左好多......直頭覺得自己根本同廢人冇分別.....
之後我搵到佢facebook,但因為唔熟而唔敢add,因為fb貌似都算私人既地方,感覺上應該要熟/有計傾既先add得,不過我聽有d人話fb只要係識得就可以add,所以最後都係硬著頭皮add佢fb,決定搏一搏add左先算,雖然個女同學接受左我add,但始終覺得自己咁做實在好怪/唐突/比人懷疑自己有動機/比人覺得自己係變態......覺得fb貌似唔係我要黎既地方.....可能根本唔輪到我去add佢.....因為自己根本就唔受歡迎.....都唔知開fb黎有咩用.....可能響其他人眼中根本冇需要用fb.....甚至連開fb既資格都冇......
話晒fb呢d野始終都係問左/大家同意先add會好d,不過我問都冇問/同佢唔熟就直接add.....始終覺得佢接受add可能係因為見有人add先確認....仲有我又好想響chatroom叫佢,但都係因為唔熟而唔敢叫佢,因為都會比人覺得好煩/唐突/比人懷疑自己有動機.....更加可能會覺得我嚇親佢......甚至令佢覺得我既行為同偷窺/跟蹤冇分別.....真係覺得佢肯接受我add/唔del fb都已算偷笑......
我真係覺得自己成個傻仔/廢柴/毒男咁(相信其他人都可能係咁諗)......又唔夠膽同身邊朋友講話暗戀左個女同學.....因為怕比人笑+潑冷水.....唔通真係只能妄想第時出黎做野有緣見到佢做同事,到時再搵位主動同佢傾!?睇怕機會都唔多大.....唉....我見佢同其他男同學傾得好開心/玩到好癲/放學一齊行果陣,雖然我表面上好似冇乜野,扮到唔在意/睇唔到咁,但其實個內心就好似比針拮咁(就算係女同學都唔例外)......覺得佢地搶走左我重要既野....令我內心覺得佢地好難頂.....直頭有一種好想殺左佢地既感覺.....成日不停詛咒佢地不得好死同早日得到報應......
佢已經轉左另一間學校已經2年......睇怕呢世都可能見唔到佢.....難道真係要就咁講有緣再見!?更因此經常偷哭......覺得自己根本冇可能會再鍾意/識第二個.......因為自問自己係唔會咁容易就鍾意人果類,亦唔係果d為拍拖而拍拖/玩玩下既人.....原本我都諗住呢世都冇可能會鍾意人/識女朋友,不過既然明明咁難得先會鍾意一個人,最終都貌似係有緣無份.....要重遇/搵返佢真係都冇乜可能!?睇怕真係注定孤獨一生/冇異性緣......唉..........
自問自己期望都唔算好大,只要能夠同佢做到朋友傾下計都已經好足夠,當然可以由朋友變戀人既話就最好.......可惜上天連時間同機會都唔肯比我......雖然我原本都有嘗試逼自己唔好諗佢,但始終都做唔到,只會令自己愈黎愈諗住佢........
我真係懷疑自己係咪有病....呢件事已困擾左我好耐.....直到依家都仍然忘記唔到佢.......成日都幻想自己同佢做朋友然後變戀人既情景.....有時仲幻想埋自己係故事既主角,而佢就係女主角.....好希望終有一日可以重遇佢.....實在唔甘心就咁放棄.....嗚......
ps:篇野可能會令人睇到好亂....睇得明既希望能盡量幫手.....thx.....
更新1:
可以既話當然希望等佢響chatroom主動叫我.....但多數都冇乜可能......加上我又諗即使我真係響chatroom成功叫到佢.....又擔心佢可能會向佢身邊d fd公開我地既對話當係笑話咁拎黎做話題.....更可能比佢身邊d fd從中挑撥,成為其他人心目中既痴漢.....真係好唔想發生咁既情況...... 有時仲因為咁搞到自己心存歪念,內心希望個女生身邊d人個個都同佢反面....然後再搵位乘虛而入(?).....令佢覺得只有自己係唯一支持佢既人...... 可惜即使我問幾多次都貌似唔算太多人睇到+仍然困擾緊.....需要多D人既意見......
更新2:
難道只能妄想第時會有個樣好似佢既女生出現成為佢既代替品!?嗚......
