有咩地方 可以免費/比錢入場 同D狗玩? (20點)

你可以去一些養狗人士常去放狗的地方例如:西貢碼頭,鯉景灣公園,赤柱一帯,彭福公園等都會比較多愛狗人士放狗的,你可以同狗主傾吓計,同狗仔玩吓~每逢假日都好多狗主帶埋自己既狗仔去玩架, 不過未必個個狗主都願意俾隻狗仔你玩架! 如果你真係鐘意狗願意付出呢, 我建議你可以去愛護動物協會做義工, 雖然要俾錢上堂, 但係上完之後, 你除左可以同狗仔沖涼同玩之外, 仲可以帶佢地出去行街街架~ 至於有無狗場介绍,就……,香港係有狗場，屯門，元朗，大埔區都有，但多數係屬於私人飼養既，大多數係銷售給各大寵物店，亦有人自己飼養、繁殖參加比賽。 (唔係比人同D狗仔玩 )



普通人係唔可以直接入去狗場既，即如禁區要申請禁區紙，因為狗場係屬於私人地方，唔同警犬訓練可以俾學校或團體申請參觀，所以係無可能直接入，除非你係狗場主人的朋友。 希望幫到你

寵物店。

平時我去到D寵物店,都會入去同D狗仔貓仔挽,反正人地做生意,唔會阻止你,又可以免費入場,一舉兩得。

去做義工。

去SPCA做義工都可以同狗仔挽,不過要俾$上堂,咁你以後咪有得同D狗仔挽囉。

澳門有，逸?狗場，遠近馳名。