兩人經營的商舖 , 結業應如何分配和處理 ??

講個故仔比你聽下,等你有足夠智慧去解決問題.

有個富翁,留低大筆財產比2個仔,當中包括現金,房地產,股票,債券,古董,名畫......一大堆唔容易分割既資產.
咁故仔就唔講咁多,最後得出分身家既方法就係,由其中一名兒子負責"平分"財產,再由另一個沒平分權既仔,有優先選擇權.負責分既,由於冇優先選擇權,必然會盡全力去平分資產;有優先選擇權既,亦由於此原因,必無異議.

*你個情況,買方應該比賣方佔上風,通常要打個折套回現金.

2013-08-26 22:47:47 補充：
我反問你2個問題.

1.假設雙方都退出生意,貨底+流動現金仲會剩番幾多?
*你要代入賣方去想,何者損失更大.
2.你買入餘下股份,其實就等如你重新入股呢間公司,假設你係新買家,你又願唔願意用呢個價錢去頂手呢?
*你要代入一個新買家既角色,去為公司估值,假設一間公司只得貨底+現金,基本上係一文不值,因為我係唔會用現金去買"貨底+現金".

2013-08-26 22:56:58 補充：
講多小小希望幫到你,唔明再問.

以前我都試過你類似既情況,我直接向退股者開出條件,就係錢按比例平分,貨就一毫子都冇得計.咁做似乎好絕,但你唔好忘記,間鋪你要自己捱到完約,如果完約唔做,你都要花筆錢還原清場,而所謂既貨,買就要錢,賣唔去就係垃圾,就算咩公司,最後一定有死貨,咁呢條數你計左未?

如果想計足,就扣番哂未來將要付既支出,再折算成現金平分,貨就直接分一半自己搬走,唔通你有錢會入唔到貨咩?係咪先?最怕你一堆死貨賣唔番錢咋.

2013-08-28 11:35:09 補充：
不如你講清楚,你係"退股",定係"入股",然後就從你最大利益既角度去睇,因為企位唔同,睇法係唔同.

2013-08-28 18:51:38 補充：
如果你可以將流動現金&貨值,折算成50%各佔一半,拿拿聲應承,拎錢走人.

*對方係有權唔比你退股,佢係冇責任要拎錢出黎買你既股份,所以就算佢唔肯出咁多,你計過除笨有精都要收錢.

2013-08-29 19:12:00 補充：
總之複雜既野就唔好去諗住(佢死都唔退股,又唔買你既股份,你又會點?),如果對方肯將貨折現,加埋現金平分,算係咁架喇.

或者掉番轉,你以相同條件買下公司,叫佢走,睇下佢肯唔肯.

ps:講真,攪到呢步都係了事就算,你都唔想攪咁多野啦.

2013-08-31 13:45:38 補充：
我唔知你地涉及銀碼有幾大,如果你要向佢迫倉,可以搵律師先出信比佢,大約意思係要求將公司清盤,實行一拍兩散,睇下迫唔迫到佢肯認真同你傾下.

又或者做d野係可以迫使佢無法正常運作,例如凍結銀行戶口,向供應商聲稱將會離開公司,總之唔好做犯法野就ok.

2013-09-01 22:28:17 補充：
你叫佢上黎,等我同佢講.

專業理財規劃一次幫你搞定貸款麻煩事-馬上解決您錢的煩惱。

免費提供你最新理債及貸款資訊建議，讓你生活免煩惱

銀行貸款資訊 - 免費諮詢評估 [ *****]

提供您各家銀行房貸、信貸、銀行二胎、車貸、代償、代墊、負債整合、

民間二胎代償、民間二胎借款、購屋免頭款貸款最新資訊

-歡迎同業配合-



真不錯!!

你指既買方是想計續的那個 ?? 我還是有點不太懂 .. 不好意思 !!
如果想計續的一方建議 現時的貨和流動資金各分一半 ,,這樣會是正確的嗎 ?? 謝謝你的回覆 ..

2013-08-27 17:09:32 補充：
其實間舖現在經營是不虧本的 .. 只是我們雙方的問題 .. 所以先會想選擇去退股 .. 如果你是賣家 .. 你會如何去分配呢 ?? 那你意思就是說 .. 選擇做買家會比較好 ??至於你話要扣番哂未來將要付既支出 ,, 如果佢經營成功 .. 錢是不會還回給我 .. 對吧 ..
貨分一人一半 退股的人選擇拿回家 .. 貨也是一堆垃圾 賣不出 ..

2013-08-28 14:04:48 補充：
我是退股的 .. 那應如何處理 ??

2013-08-29 01:14:01 補充：
為何她沒有權利 ?? 做得吾開心 即刻有錢賺 我都吾想計續 .. 因為事情並非太過簡單 .. 貨 我當然吾想要 .. 所以 先會係度POST睇下有咩方法 .. 可以對我有利小小 ..

2013-08-31 00:13:52 補充：
我就係掉返轉 .. 以相同的條件買下公司 ,, 佢都吾肯 !!
佢吾肯既原因 係因為佢男朋友的貨品也在我們店裡交收和下訂單 .. 一分錢都沒收他的 ,, 所以佢魚人得利 當然吾會甘易退股 !!

2013-08-31 00:18:53 補充：
佢貨品即使折現 都係諗住攞成本價 .. 有D賣吾出 .. 佢重諗住用超底價 !! 但其實有好多貨都賣得出 .. 只不過係時間月內 對我就月吾著數 .. 因為之後賣得出的貨品 .. 她都會覺得係歸佢所有!

2013-09-01 00:57:50 補充：
好絕WR ,, 會吾會有其它好小小GER方法 ??

2013-09-02 17:31:37 補充：
不用了.. 佢都決定結業 .. 將所有貨同現金都分一半 ..

2013-09-02 18:11:56 補充：
但係 好奇怪 .. 佢就係話8月31號 條數開始計 ,,但她現在還在開店 ,, 賣出GER貨 .. 佢就自己袋 ..