中一點識新朋友 15點

Hello :) 見你講話升F.1驚識唔到新朋友，
其實我升F.1果時（而家升F.3）都好似你咁，
我果時無小學同學同我一齊升，
Bridging Programme 都係自己一個人，
我都係開左學兩三日先有d比較熟絡既朋友。
（雖然都係佢地主動問我- -）
我仲記得第一個同學黎主動同我講野都係先問我的名，
再問興趣等等......你可以參考一下:)
同埋你可以觀察下有冇同學小息果時好似無咩野做，
你都可以行去同佢傾下計。
動漫迷同VOCALOID既fans其實比較難發現
（我都係到F.2才發現自己的班有好多人都係）
不過都係識多D人就會慢慢發現架啦:)唔需要太急揾
雖然唔知你所講既"堂上多啲出聲"係指傾計定其他，
不過都係專心上堂好。
野可以小息講，堂就一定要專心上。
其實膽量係要慢慢提升既，
主動參加多d比賽，
例如朗誦等都可以增強膽量，
面對人既時候都唔會太驚青:)
班上面同學既名其實都唔洗太刻意去記，
日子耐左你自然會記得~
其實你唔需要懷念以前小學，
中學階段都有佢既精彩~
總而言之，順其自然就可。
唔需要咁擔心:)
希望你可以儘早適應中學既生活啦:)

P.S.：只係提一提，F.1-3果時要打好中英數基礎，唔係升上高Form會好辛苦

大部分的人交朋友都是要主動！

我同你差唔多，升上中一時只有一個朋友同我同班，一開學既時候見好多其它同學都已經熟晒，反而係自己無咩朋友。

其實識新朋友都唔係一件太難既事，當時既我選擇左幫助同學，總之佢地有啲咩事我都會盡晒力咁幫~ 但當然，如果要求係唔合理，違反道德當然就唔得啦~
其實人往往都唔中意同啲做作、唔自然既人做朋友，所以性格方面，對同學盡量隨和啲，友好啲，人地就會覺得你好易親近~
我都明白你好想識多啲同自己有一樣興趣既朋友，但係一開始就去定呢個目標可能就早左少少，畢竟都係岩岩認識。先以一啲易傾既話題，用幽默既表逹方式，人地就會覺得同你一齊傾計係件開心事，自然會有多啲人願意同你做朋友！等熟左之後再去傾一啲你想傾既話題，可以令本身都無咩興趣既朋友更加投入。

唔好因為識朋友既事而搞到有唔想翻學既念頭，畢竟翻校主要都係為學習~
當時無咩朋友既我，唔洗幾耐我都可以識好多既朋友，甚至比佢地本身其它朋友更要好!!

加油丫!!:)

版主唔好唔返學a~其實岩岩升上中一開始要去重新同新一班人去認識,去相處係要慢慢去學習ge~你可以先去識左坐你隔離左右果d同學仔,自己可能要主動d去同佢地相處~去同佢地主動認識下,傾下傾下就會熟絡架la~唔洗咁擔心架 ^^

想識多d朋友既話吾好成日吾出聲，因為咁樣會無人留意你，要主動同同學交談，吾需要太驚架，大膽d講野就ok。當你適應左中學既生活之後，你就會覺得中學既生活比小學更多姿多采。加油！

方法
1. 主動

當然, 就算被動的人亦可能會有其他人主動交往, 但畢竟人數會比較少,
而且並不確定! 但如果你主動和其他人交往, 只要態度親善, 我相信你
交到的朋友總不會少!

2. 問問題

對於初相識的朋友, 最好就是問他們的問題, 例如他們平時有什麼活動,
有什麼興趣, 喜歡什麼明星等等!

知道他們有什麼活動/興趣, 你喜歡的可以要求一起參加! 知道他們喜歡
什麼明星, 你又可以加入一起討論! 和他們一起參加/討論, 會令他們
容易接受你, 令你快速成為他們的知心好友!

不過要留意, 最好不要問及對方的家庭/愛情情況, 這些都是別人的私隱,
通常要到成為知心的好友才可以詢問!

3. 聆聽

聆聽和問問題一樣重要! 聆聽初相識朋友的說話, 你便會知道對方喜歡
什麼, 和討厭什麼! 他喜歡的, 你不妨和他多加討論, 他討厭的, 你最好
避免提起! 懂得迎合/避忌, 會令你快速成為他們的知心好友!

4. 交心

當你和他們由初相識的朋友變成知心好友後, 便可以和他們談得深入
一點! 例如大家的家庭問題, 大家對學業/愛情/事業等等的期望, 這樣
友誼便會恆久一點!

5. 總結

我是一個直話直說的人, 年輕時曾相識過不少朋友, 亦得罪過不少朋友,
累積了幾十年的經驗. 得了以上的交友技巧!

你可能認為以上的交友技巧有太多的門面工夫, 但我可以告訴你, 門面
工夫正是能維持良好友誼關係最重要的因素!

你可以選擇做一個有性格但沒朋友的人, 亦可以選擇做一個沒性格但
有朋友的人, 悉隨尊便!


交友之道：

好朋友的特性：

(1) 分擔大家的痛苦
(2) 分享大家的喜樂
(3) 再接再勵，互勵互勉
(4) 瞭解自己
(5) 接納自己的缺點
(6) 發掘自己的優點

壞朋友的特性：

(1) 鼓勵大家一起犯罪，引致最後一起受罰
(2) 會互相取笑對方
(3) 毫不理會對方的感受
(4) 容易把別人的秘密泄漏，令別人非常難受

另交友之道：

我們應該互相安慰，而且互相鼓勵，亦要互相體諒。我們千萬不要以別人的窮富來判斷我們交友的因素，因為我們選擇朋友時是要看別人的內心而定的。

========================================



當你快樂、當你失落、當你失敗時，你最需要的是甚麼呢？是金錢？還是朋友？相信答案已經在你的心中。



當你快樂的時候，朋友會和你分享;當你失落的時候，朋友會在旁邊安慰你;當你失敗的時候，朋友會支持你、對你不離不棄。我覺得這些才是真正的朋友。交友之道，不單講求交友的方法，而且交友的態度亦得重要。我覺得交友最重要的是待人要坦誠。如果朋友與朋友之間經常互相隱瞞，彼此都以另一面去結交朋友，雙方一定不會成為好朋友。另一方面，如何選朋友亦很重要。因為好朋友會將心比心，把所有事情都毫無保留地告知對方。好朋友也會在你有困難時互相扶持，雪中送炭，不會嘲笑你，也不會妒忌你，反而安慰和鼓勵你，使你重拾自信，不斷進步！相反，損友卻口蜜腹劍，表面上當你是好朋友，實際上是希望你與他們同流合污。當你失敗時便會離棄你，還會落井下石。所以我們要「 帶眼識人」。　　　　　　　　　　　　　　　　　　　　　　　　　　　



當我們認識了真正的知己，便要好好珍惜。不要以為自己相識滿天下，而冷落了自己的知己！因為一生人中，沒有多少個知己！最後，我認為我們不能缺少朋友，亦不可誤交損友！

你好啊;_)我都系剛剛升中一既.
我之前都系驚呢樣驚果樣架.驚識唔到新朋友.有12位同學同我一間中學.
但系點知分班果陣只有1個相識既朋友同一班.我自己都好灰.
不過後來識左好多同學仔;)雖然大家都未熟.但系只少都認得個樣.
其實你可以熱情D既.例如同距地傾下計.
如果你畫畫令既話.你可以同其他畫畫比較叻既女仔分享下心得.大家都會容易溝通D架.
我都系上堂唔出聲.放學系烏鴉嘴既人.如果你想多D出聲既話.甘你上堂果陣可以多D發問.反而如果你唔夠膽出聲既話有D人系會蝦你架.[特別系男仔]距地見你無聲就會蝦你架啦~因為距地知道距地蝦左你之後都唔夠膽出聲.
我間中學都有輔導日架.前幾日我去左果個輔導日.到宜家我同D男仔都唔系好熟.但系因為我主動聊D女仔傾計.大家都認得大家既印象.
懷念母校既時光系好正常既.我宜家都系啊.
如果你掛住母校既話你可以穩日得閑約你D同學去探望老師啊.
如果有咩疑問可以問我架.我會儘量開解你;)
希望你可以識多D新朋友啦;_)
甘樣人際關係都好D架~

其實你可以多D留意一下其他人有冇同你一樣既興趣,只要找到共同興趣,大家就會好容易熟絡,你喜歡畫畫吧,上視藝堂找一些一樣喜歡畫畫的人吧

可以先同格泥同學認識下,問下佢叫咩名,之前讀邊間小學,有咩興趣(如果佢中意動漫,v家迷,米問佢中意咩動漫lor,就算唔中意動漫orv家迷都可以做friend嘉!)
大家熟D啦,就可以問下佢班上有冇熟ge同學(or中意動漫,v家迷),
如有,米叫佢介紹你識lor,冇ge,可以同佢一齊認識friend(冇禁afraid).
有時唔得D名,可以問下佢!!
唔好收埋自己,大膽D!(想當初我同你ge case 一樣嫁!!!我9月升F.2~)

我也是剛剛升上中學，和你的情況差不多，不過我在小息時和一班人談話，結果我認識了不少同學，只要你踏出第一步，嘗試和別人談話，他們便會認識你。

5好5番學ar...
e+先第一日,班上既同學既名遲d就記得架la
升左上中一,就會有好多新野挽(比小學多好多),而大部分都會係團體活動,5洗擔心咁多架
遲早大家挽下挽下就一齊架lo
我之前升中一(e+升中二),哥陣中午冇野做,大家挽"真心大膽"之後借機會摞人d fb同電話號碼^^
你咁幽默,上堂表現多d就得la,5洗咁刻意架,順期自然la~