✔ 最佳答案
家和萬事興,家衰口不停,套用於現時嘅香港真係確切不過。唔係咩?香港最大嘅特色之一係爭拗不斷,唔係你鬧佢,就係佢鬧你,往往因為一件芝麻綠豆嘅小事而嘈到拆天。最佳例子莫過於小學教師辱罵警務人員嗰一宗鬧劇,導火線只不過有人講咗句粗口之嘛,居然發展到幾千人聚眾旺角齊齊罵街。更加諷刺嘅係,聚眾嘅其中一方以「反粗口入侵校園」作為出師之名,結果罵街現場粗口橫飛,粗鄙程度絕對兒童不宜。 基建方面,對於新加坡將興建第四條機場跑道,香港興建第三條跑道仍遲遲未落實,五成受訪者歸咎香港爭拗太多,才導致基建發展落後;兩成三擔心香港旅遊天堂地位將被取代;兩成二憂香港航空樞紐面對威脅。 土地發展方面,新加坡大興土木騰出土地興建住宅,香港開拓土地則處處碰壁,四成一受訪者稱,反映港府弱勢,施政舉步維艱;三成三直斥港府土地政策失敗,無善用土地;兩成一更指港府發展土地一籌莫展。