✔ 最佳答案
首先，我想說明我不是什麼理財専家，亦没有任何財務上的専業資格。但本人過去十年都有買賣股票，雖然成續一般，但總算冇穿冇爛。其實最吸引我作回答的，係因為我都有過你呢種怕通賬蠶食，才心思思去學人投資，希望用股票幫手的心態。所以，我明白初時唔知點入手的心情。
總括而言，投資種類多的是，簡單講，就已經有外弊、基金、股票同衍生工具。那一種最好，實在最難答。但依你所講，我就集中在股票上作回應。
作為一個新手，如果真的想黎緊的十年、廿年都會用股票方法為自己抗通賬，什至增值，我認為必需要明白多點股票的事。所以，我會先去書局買一兩本書，學一學股票同投資是什麼。(註：我不會強調去買個D咩如何置富，或者單俾幾個號碼叫人跟買的書，因為長線係唔應該由人地叫你買咩就買咩，而係應該自己為自己決定負責；如果要睇呢類書，先睇基本野，有左少少分析力再睇會好D)
至於點買股票，我會建議分兩大類去做。一係以月供的方法，二係即時買入。第一個方法的好處係唔需要一炮過俾好多錢出黎，唔好處係可能會俾多幾次手續費(註：因為每個月供一二千元，可能一手值一萬元的股票，變左要俾左好幾次手續費先買夠一手)。相反，第二個方法，係一炮過去買，但買著一D股，一買入之後，就係咁跌，跌足成個月以上，分分鐘可以蝕左兩三成個本，咁你要有心理準備，有咁的股票囉。當然，向好的看，一次買入，大升會賺足，月供的話，大升的，不但賺唔足，仲會唔知升左仲供唔供落去好。
以我本人的立場，我如果有一筆錢，我會去想試一次過買，當中可以係買入，一個月內就放，亦可以係趁佢跌左落黎一定幅度，算係個價定返先入貨，然後再等佢升先去賣走，仲有一種係等一D高息的大股，跟個市跌左一成咁上下，買入黎當儲蓄，只為佢每年派息。不過，如果我每月有人工剩下，我會同時做埋月供，一來當每月儲錢，二來，亦可以試下唔同方法的好壞，我的經驗是，好多事係自己試過才知真正的好壞，或許別人講，總係唔會最詳細吧。
其實寫左好多，都怕你睇到煩。我就再簡單說多少少我想法，如果用月供，我想用BOC，因為佢可以信用咭俾錢，有積分儲埋。而且佢唔夠一手賣都可以計返市價，相反好多其他銀行，如你未供夠一手就賣，個賣出價比市價可能低左。仲有一樣好，佢每月供款的手續費係全包宴，唔會好似HSBC咁，股票派息又要另扣錢(註：因為咁的話，開頭好少股係手，派息都唔多，變相會俾銀行扣晒)。當然，依家有咁多銀行PROMO月供，仲有股票行，你不妨再去CHECK下有冇新的優惠。另外月供，我會諗我可能要供上一至兩年同一隻股，先會儲到一至兩三手，所以我唔會供一D一下子就急升的股(註：若我知急升，當然一次過買入啦)，因為供左少少就升左咁多，仲供唔供落去好呢！我通常會揀周期性的股，即係有些股會因為經濟差，跌足成年，咁我大慨係佢跌左半年到的時間，開始儲貨，因為冇可能估到底，但等到下個周期，佢跟返個經濟升返，我大慨就儲夠貨。仲有月供有最低的手續費(註：好多係$50)，所以話就話500，1000一個月都可以供，但我建議最好係供2-3千或以上，才可以抵D。
另外，你有筆錢，想一次買入，如果有十萬，或者可以先買入1/3先，睇定D唔駛因為初買就縛死晒。我會建議你唔好買個D股價少過一元的股會冇咁危險。另外，可以留意返一隻股的過去半年或三個月的股價走勢。一般黎講，如果一隻股唔係成個行業有問題，又或者佢自己出現咩大走樣業績同人事變動，佢的半年走勢，上同下的波幅，會係10%至25%之內，咁你可以睇返佢係咪較近底的，就去考慮入囉。
最後補充，股票冇一套一定啱的方法，認識多點，自己才去揀吧，我亦冇法俾咩你一定WIN的意見。好似有些股，金山軟件、騰訊、銀娛等都係呢半年升足咁耐咁滯，變相冇咩上下波幅，所以好難一慨而論以波幅去睇。而一般人的定止蝕位，你可以想想，但唔係一定人人都要定10%或15%的。我都係唔講了，要分享的太多了，只希望對你有用吧！
