電熱水爐的供電是否要過水氣制？

電熱水爐必定要加安裝漏電斷路制同接地線既，如果係村屋我會要求電熱水爐另外打一條接地線，目的係防止其它電器漏電而導致電熱水爐用者觸電，至於咩叫水氣重我就唔係幾明，我所知道所謂水氣可能係水蒸氣？因爲熱水遇到冷空氣立刻會導致好多水蒸氣，如果係水蒸氣應該係冇電制可以控制，你只可以安裝抽風機將啲水蒸氣抽走，電熱水花灑噴水時如果天氣凍時就會導致好多水氣，所以你話水氣重應該係咁，記住，安裝漏電斷路制要斷電漏電量敏感度要30mA以下，我就用10mA，絕對冇問題既。


圖片參考：http://www.tlc-direct.co.uk/Images/Products/size_3/MK6316.JPG


圖片參考：http://media4.rsdelivers.cataloguesolutions.com/LargeProductImages/R360006-91.jpg


圖片參考：http://www.asw.co.nz/pi/4119.jpg


圖片參考：http://www.tlc-direct.co.uk/Figures/5.17b.gif



2013-08-29 20:21:03 補充：
冷氣機不必漏電斷路器是因爲平常時好少人會用手去摸冷氣機，大多數用遙控既，至於漏電時過載斷路器會斷電既。

水氣掣嘅水係電線中水線，正確係地線，點解叫水線，原因係經常接上水喉，而水喉多埋入牆壁，地底，水氣掣嘅氣係電壓咁解，係行頭俗語，表示有冇電就用個氣字，所以水氣掣並非用於水氣，事實上係電器，電器外殼如果用金屬做，基於安全起見會接駁水線，萬一電器漏電可以散逸，而水氣掣係檢查漏電電流，一旦有氣就將來電總線切斷。電熱水爐有可能漏電，但漏電係損壞表徵，不是正常現象。所有入屋電箱都有水氣掣，係法規，如果你需裝置電熱水爐，技師知道如何做法。