睇完套劇之後勾起我啲傷心事 有無人可以開解下我

我最近上網煲曬成套J2播緊既兩個爸爸
睇完之後發覺自己同套劇主角既處境好相似...
好大感觸

套劇大概係講兩個男A.B一齊養一個女
佢地開頭同時鍾意一個女C(個女既國小老師)
但B後尾都搵到另一個女友D
成套劇都帶比我一種好溫馨既感覺
但故事既另一段插曲係男A同佢啊爸關係一直唔好
因為由細到大都係由佢啊媽一手帶大 感情好好
雖然A同佢啊爸開頭水火極度不容
但A有B同C合力一齊幫佢同佢啊爸修復返呢段關係
最後A重同C結婚又同佢啊爸和好返
好warm好溫馨

講返我既處境
我而家讀緊u year2
由細到大我同啊媽既感情好好但同啊爸就好生疏.好少接觸.(同套劇有D似
咁大個仔拍過2次拖 (自問樣子唔差)
有一次係中學(好耐好耐之前)
對上一次係year1試過同一個幼稚園老師拍左一年拖
佢份人好好 好識照顧人 但點知佢要出國無奈地散左
我朋友算幾多 成日都會約出黎打波 睇戲 食飯 溫書
但真正知我心既人唔多 所以同佢分開左之後我都傷心左一段時間
我而家每次自己一個人果陣就不由自主地諗起兩個爸爸呢套劇

唉
而家睇完套野
唔知點解個心重成日諗返起套劇既情節
一諗起個女主角B就勾返起之前同幼稚園老師拖果段拖
本來以為沖淡左 忘記到佢 而家又... 唉
一諗起我啊爸就更加無奈更加傷心
我都想要一個好錫我既啊爸同好關心我既女朋友
我都想要呢種咁溫馨既家庭
我好羨慕個男主角A可以同個國小老師B又同啊爸和好返
我近呢兩個星期好down
我想搵人開解下我 我唔想再咁頹落去！！

ps唔好叫我搵新女友 我重未可以完全忘記到前女友 讀完書先算