中六重讀中四開始

如果你係想大學讀內外全科，或者其他有關醫科課程，如牙醫等，一般都係香港大學先有，香港大學指明只能以一次DSE成績入醫科課程，多一次都唔考慮你。
所以如果你2014年DSE考唔掂，JUPAS同大學都會有記錄，你再考都唔可能入到醫科，因為會大打折扣，而且入醫科成績平均要5以上，中英拎4都唔會入到。
如果你係想入醫科，建議你可以讀化學生物，如果唔係你只會失去入醫科既資格。
至於醫科方面，仲有中醫學，中文大學同浸會都有，平均都要5，浸大你都可以考慮一下。

其實你如果真係要入醫科，可以考完文憑試後，再自修Combined Science再考DSE, 不過一定要有Chem, 中大Medic係可以用Combined Science入。不過要留意，你考兩次DSE先入U會減低你入U機會, 何況係Medic, 你真係要認真諗下。

其實如果屋企負擔得到，我建議你去外國讀醫。

美國嘅大學係睇SAT同學校成績，好少會理你讀咩科(頂尖大學除外)，不過要注意美國讀醫要讀十年，你要諗清楚

英國讀醫好處係番到黎香港會承認你嘅專業資格，但美國可能番黎要考D專業試，你係可以用DSE Apply英國嘅大學，但間間大學要求唔同，唔知會唔會要求某一科，建議你Check清楚先好報

加拿大，澳洲我就唔太清楚

2013-08-22 00:22:43 補充：
補充： 港大都可以用Combined Science入