我覺得自己真係好無用(sorry好長...)

你好,我係一個讀緊高中既女仔
我好希望有人可以聽下我既心事......
我小學係學校o既精英份子,讀書叻PE勁,
雖然係咁,但係我從來都唔覺得自己優秀,
[我只不過係有啲小聰明,好快就會比人超越...]<---我一直都係咁諗

之後中學我升左上1間好D既中學,
因為得我一個入左間中學,我一直好lonely,唔知點識朋友
而且到左一間band1中學我先知自己係咁廢,個個英文都咁勁,
仲要識音樂又識呢樣o個樣
我變左一粒small potato,我好灰心,
人際成績...總之咩都唔得
於是我放棄啦,係咁打機打機打機..

到我而家中五,見到人地個個都進步緊;
小學同學個個都keep到成績,又拎獎
有d做埋學生會,識到一班好好既朋友
我就無論咩成績人際都無變過(可以話退步)

中學同學呢就做晒eca,樂團呀head
咩科都咁勁,10個有9個英文講到native咁
又係出面join咩團咩活動,影晒相share係facebook,
佢地好開心...但我咩都無......

更加痛苦既係我年年d班都好團結,
但係我天生就有一個問題--我好怕人,唔識點同人溝通,
我知呢個係一個好嚴重o既障礙,但我無辦法克服,性格如此.
但我都好努力去同佢地相處ga啦,
不過次次我都好似局外人咁
人笑我唔識笑,成look木咁,又唔講野,又cool(其實係我驚人)
我一直好想同班同學仔好好相處,
我好想知"團結"既感覺係點,,
但係我就算好努力都係feel唔到...
每年大家影ge相,無一幅係有我o係到
有時見佢地咁開心我都好唔好受..

我知咁樣唔得,於是我狂"逼"自己去搵興趣,咁至少我有一樣野可以自豪...
但係我次次都堅持唔到下去
我都好憎自己又多心又3分鐘熱度o既性格...但係我唔知點改...
(我真係好憎自己3分鐘熱度,如果唔係我就可以堅持夢想...)

仲有我諗過去留學,
想去留學o既原因好幼稚,我知真係好幼稚
..係因為我想扮到好幸福咁,
講得白啲係 : 我想自己同自己同人地示威,[我都可以生活得好精彩]
我知咁樣係唔岩,
我都好驚會行錯我o既人生
但如果選擇唔留學,係香港升學,咁同依家o既我有咩別?
----------------------------------------------------------------------------
我知人生唔可以同人比,
但係我控制唔到我o既想法
我唔係想超越人,
我只係想搵到真正屬於我o既野,
我真正中意o既興趣,
點解咁都咁難?:(

[小時了了,大未必佳]形容我就最最最最岩.