(字海) 到底系我地之間真系曖昧緊 定系純粹系我自己鍾意佢?

我知我呢個問題真系好麻煩好複雜，但拜託大家比少少意見小妹，感激不盡！
（最開始既背景資料：）
當初識佢系中一個陣同班，（補充一句，小妹今年升中六）
會同佢開始熟系因為個陣我既朋友鍾意佢，要我幫手
於是我就開始同佢打打鬧鬧（朋友Ａ要叫我求其搵啲藉口打比佢同佢傾計）
（問題在於結果同佢傾個個系我吾系Ａ……）

有一次三人會議收左佢線之後，
Ａ諗住佢收左線就大安指意咁問左我一句：其實你系咪都有少少鍾意佢？
又吾知點解我個陣咁鬼誠實咁答左Ａ：……系有少少既
弊就弊在第二日返學，轉堂之間系課室門口等緊既時候，
佢行埋黎問我：其實你系咪鍾意我？
我成塊面紅哂，冇應到佢就即刻自己入左課室

之後有幾次我同男仔玩，或者可以話系我比男仔玩啦，
佢都會用啲似笑非笑既眼神望住我（地）
再吾系就直程抽一兩句水（基本上都系抽水多）

成年中二同佢何謂無咩接觸（因為吾同左班）
唯一一次就系我同Ｂ買野返上佢班房食（咁岩Ｂ同佢同班）
走個陣佢問我借紙巾，我吾想比佢避佢之際比佢攬左幾秒（當然好快縮開左啦）

再跟住就冇咩點同佢接觸
見系會見到　但系系就算見到都吾會停低傾幾句個隻
就系咁一路去到中四，又同返佢同一組上堂（事關我地學校系好興分組上堂既）
本身其實一直都相安無事，但由中四暑假開始就有啲曖昧（我個人覺得系啦至少）

１
如果咁岩同佢坐隔離既話　佢既膊頭點都會痴住我既膊頭
一開始其實我以為佢冇留意到呢樣野
但中五個陣　我同佢斷斷續續咁一齊坐左差不多四個月
有一次我實在頂吾順　自己移前左少少張凳
佢即刻問：做咩吾「唉」住我既？
試過有幾次我用緊電腦，佢行過黎睇，又系企得好近
（都系膊頭掂住膊頭個隻，不過系我膊頭系佢前面種，吾知你地明吾明）

或者你會覺得膊頭系咪痴埋吾系重點
但其實本身同佢坐埋一齊個陣佢點都會有幾近坐幾近
試過最近個次系如果我擰一擰個頭向佢個邊既話
我系基本上錫到佢塊面架囉（個問題系，個陣系上緊堂架……）

２
補課（其實平日上堂都有試過）個陣，
佢試過無啦啦系我耳邊呵氣黎嚇（玩）我（個人黎講我會覺得咁樣有少少踩界）

３
一有啲咩牽涉到我既感情狀況既野佢會好好奇，
可能系有冇拍緊拖，或者系愛情觀等等
試過有一次我幫佢既朋友做問卷
題目系關青少年拍拖事既，有題就問及我而家有冇拍拖啦
佢知道份問卷個題目之後就同佢朋友講話想睇我個份

４
上堂個陣（吾系坐隔離個陣）佢會成日望住我
（因為小妹對人地既視線都幾敏感，所以知道佢望我）
有時我望返佢，佢有時會縮既，但大多數都一系繼續望住我，一系就做口形同我講野

如果咁岩佢坐前面既話就成日都會擰轉身（頻密到就黎比老師鬧個種）
但問佢做咩既話九成都系吾出聲就直接擰返去前面

５
有一次我同佢坐隔離個陣提起要ＤＲＯＰ科（個科系同佢一齊上既科黎）
跟住佢就話：如果冇左你系度既話我會好寂寞架！

６
（加埋我想ＤＲＯＰ個科其實有四科我地系一齊上既）
其中有一科就可以自己揀位坐啦，咁個陣我就揀左單丁位黎坐既
個個位同佢之間系隔左一條走廊再加一個位

去到今年學年尾，因為一黎覺得咁樣「曖昧」落去好辛苦，
二黎佢附近個幾個人上堂有起碼七成時間吾系講緊同個科有關既野既
咁結果我有次上堂之前直接一黎就坐左去第二個位
（當然事後有同老師交代返發生咩事啦）
跟住個堂佢出完去黑板寫野之後直接坐左系我隔離，
不斷問我做咩事啊，系咪嬲啊個類啦
咁當然都有話叫我坐返過去，話會煩到我坐返過去為止啦（事實系佢冇咁做既）

７（重大事故黎架呢個……）
聖誕節個陣我其實掙扎左好耐到底應吾應該寫比佢
寫：都吾知寫咩落去好……寫得多又吾系，寫得少又吾系
吾寫：佢身邊個個朋友都有佢冇……吾系幾好姐？
咁結果最後都系寫左比佢
呢個都吾系問題　問題系個陣小妹吾知痴左邊條線
寫完之後又加左個ＰＳ落去
（個ＰＳ系問　其實你系咪對個個女仔都系咁架？）

事後我覺得吾對路，於是用盡一切辦法黎令佢睇吾到呢段野
送左張卡比佢，佢即刻拆左黎睇啦，
佢開始追問個段野寫乜，我冇答到佢
之後佢就同我講話張卡佢吾要，比返我
跟住我就好「冷靜」咁叫佢吾要就扔左佢算
基於個垃圾桶系系正我面前既關係，佢揭開左個垃圾桶打算扔落去個一下望左望我
我都仲系好「冷靜」咁望住佢，結果佢只系擺左張卡系我檯面

重點問題：
如題，到底真系曖昧緊丫，定系我諗多左？

（字數限制關係，下面會有補充資料）