就開學 驚好似以前咁識唔到FD

我介紹下自己先啦 咁我係個女仔 下年就升中四 平時係學校係好少出聲同好少FD果類人黎
以前F.1至F.3都係同一班人,原班升,第1年果陣D同學已經知我係超靜既人
所以冇咩特別事都唔會搵我 每次搵親都係問我借野或者問我一D正經野
係班度我得3,4個FD 但係好好傾 可以好多野講
不過其實我係好想同其他人熟D 做個朋友
但係可能我本身係個好內向既人 超被動 又唔識搵話題
終於有人同我傾計既時候 我係好想再傾多D丫 但個腦又一片空白 所以始終都係靜局收場.

於是我上網識下朋友,約過幾個出黎見面,學下點樣同唔熟既人溝通,冇咁怕羞
都有試過跟我既朋友出去見佢班FD,令我接觸人多左,開始冇以前咁內歛,笑容都多左
不過我始終覺得同學校的人熟D先有用.我本來都有D信心可以係學校做反個冇咁靜既人...

咁我下年中四 選左科 終於可以轉過一班人
本身諗住可以轉下形象 係新一班上面講多D野 識反D朋友,
點知原來有不少以前同班既同學入左我呢班,佢地對我既印象就係:唔出聲
而且其他人一早就已經識晒 有自己既小圈子......
咁我仲點樣識人點樣講多D野??
如果係以前同班既人面前講咁多野 佢地反應一定係:嘩 佢發生咩事?成個人唔同晒既!?
我就係好驚面對呢D目光
就算如果我唔理佢地既睇法,但其他人同自己D FD傾得好開心,我無啦啦加把嘴埋佢,都冇人理我啦.
我應該點做好??真係唔想再係學校咁孤癖,好辛苦...