誠心..工傷煩惱 實在忍唔住了

我放病假到現在 已經8月個月 我係做類像倉務 要搬好重既野同拉唧車受傷 當時右肩膀骨痛到像插了把刀在肩膀上 哪種痛像肩膀骨像被什麼無形的東西強力拉扯一樣 醫生寫給我的是因患right acj injury (右肩膀受傷!?)

然後第一次覆診 醫生說我骨撕裂 有骨頭分開左 導致我現在拎重少少既野都會痛 有幾次覆診 醫生都會問我進度如何 好返未 我就把最近近況告訴醫生 已經冇第一次受傷像被刀插咁痛 平時已經冇咩痛 但拎野依然會痛 咁醫生似乎就在電腦上輸入報告

第二次去醫生問我好返未 拎野仲痛唔痛 因為為了休養我常在家 為了想傷勢快d好返 我亦都冇在拎重野 但因為我愛好攝影 有時在家實在悶不住 就會背背包拿自己的單返相機 出去影下風景 去邊我都習慣性帶住...因為我習慣背背包只用其中一條帶掛在右肩膀上 但背久了發覺 被壓住的哪裡久了 異常的痛 非劇痛 但有痛楚 坐車右手舉高扶把柄一樣痛 然後整整痛了一晚 雖不是十分痛 但十分不舒服 我就同醫生講 背東西會痛 拎野唔痛 (因我整個月都冇拎重野 如實回答)

第三次去睇 醫生問我好返未 我因為呢個月有去超市買飲料同有去bbq 都拎左重野 然後先發覺 拎重野一樣會痛 而且無力 咁我同醫生講拎野會痛 同第二次我去覆診話唔痛矛盾了

我所煩惱的是..

1.我這個是不是長期痛症 會唔會好返?

2.我第二次同第三次話拎野唔痛/會痛 矛盾了會不會造成什麼日後工傷影響 但我只是如事導出說出事實 第二我前面已經冇拎重野 怕加傷傷勢

3.如果我的是長期痛症 我這份工勢必沒辦法做了 因為搬既野好重 拉唧車更重 我估計有幾百公斤 而我的傷勢依然不好 是否就一直要開病假 直到最長的2/3年?

4.我實在受不了工傷帶給我的煩惱, 要麼出糧時間不準..要麼出糧工資不對出少了..4/5工資已經夠少了 還要經常拖欠和少出 嚴重影響生活 我最近結婚了 對我黎講壓力好大 別說家用沒有給了 以前都會給1000~1500 因為出糧拖欠/出少糧 搞到我要出去借錢 更加要企屋人比錢我照顧老婆 到現在我還拖欠了手機費三個月都無能力還 仲要遺約 要交罰款金 接近5個月我都冇力交 已停機兩個月 連電話都冇得打 公司同醫院想搵我都要打屋企 嚴重影響了我的生活 我可以點?

5.公司沒有準時出糧/少出 是否犯法? 因為我病假單有時會在月尾..即20號以後才交 公司給我的理由是 太遲交 所以這個月不會出 要在等下個月 但..工傷病假不是在1X天內要支付嗎? 還有的是 有時準時出了 但又出少左 問返公司 又話出少左但等判傷後一樣會支付 這樣真的可以嗎? 有沒有犯法?

6.受傷當天本來工作地方一定要通常都是4-5個人做 但公司請唔到人 經常性唔夠人 加上當天有2個人沒有返工 一個放假 一個病假
只有一個OT+我同另一個同事 上的是夜班 OT的加班2小時就走了 然後只有我和另一個同事 人手完全不足 但為了趕貨 必須再3點前做完 2個人加一個OT是完全不可能成全 但上司又不叫人手幫忙 只任由我們兩個做 我為左趕工 哪天幾乎是一個人做兩個人的事情 所以才會受傷...

另外因為我新來幾個月 同期還有一個 都是新來的 因為我十分瘦小 個個同事似乎都不看好我 以為我試用期不會過 當時有個似乎是安全課/職業安全的 上司有通知另一個 卻沒有通知我 因為我新來 其實我都想去 但我不敢說什麼..上司似乎也故意不給我去..因為通知另一個時 我也有隱約有聽到像是什麼安全課 但沒有叫我 我當然不敢多事

因為我好瘦小既關係 一開始前兩天都是安排我做相對上是輕一點的工種..但過兩天後就叫我去搬好重既野..拉唧車 我覺得都不是我能應付得來 但叫得我去 我都冇理由話唔做 我只有硬頭皮去做 結果日日都好痛 印象中拉唧車的貨估計是我自身重量的10倍有多了..做久了我身體跟本無法承受 而且要在指定時間內 我工作是由夜晚9點到5點 但一般做到12點~2點就要做完 因為要交場比人 所以跟本是很急速的做不停 而我工作的5號機一般須要4-5個人去做 因為工作量大 貨物重 其他1~4機只要2~3個人 但上司依然不安排分配一個人手來幫忙

想問的是 以上種種 我能否追討疏忽賠償? 如果可以 我能怎樣追討 可否給我意見

6.工傷後帶給我的煩惱 個人情緒上實在太亂 覺得自己好冇用 太多說不完的事 無時無刻被這次工傷所帶來的困擾煩惱 經常性去想 我已經有打算想睇精神科 原因就不多說了....就快被逼瘋...

7.如果我持續性痛下去 哪麼我是否就要一直放工傷? 但我實在唔想放了 公司拖欠/出少糧 對我生活種種影響 我心理上已經承受唔到 想快d完成呢個工傷個案 去判傷 但以我既案例 這種長期痛傷 可賠多少?