小六升中一既面試內容有什麼？

基本的自我介紹，小組討論果D就必定有了，有D名校仲會考埋中英數，即場答。
同埋依家好多中學都喜歡問D時事，所以都要小朋友關心多D時事。

怕同陌生人傾計係面試大忌，就算平時講幾好，面試時失手就玩完，如果係甘，可以試下去報D升中面試班，上網搵會有好多間，揀間有口啤的就OK。坊間都好多間有開面試班的教育中心，慢慢選擇。

希望幫到你！

如果系英中，最好先學下英文拼音，萬一叫你小朋友朗讀文章，5識讀d字都有救。

我前兩年面試過好多間(因為有去叩門),面試內容同形式各校都好唔同,有d好嚴格有d幾簡單。所以好難講到大概係咩,面試形式包括：個人、小組 、邀請家長一同面試。
有d熱門問題,你可以同小朋友對練下:
點解想入呢間學校?
你可否用一分鐘介紹自己?
你對中學生活有什麼期望?
請講述一下你曾參加的課外活動。你在這些課外活動中學到什麼？

另外佢可能會有常識題、創意題、時事題之類考你。
重有會考中、英、數、通識呢d(考你實力,惟有放鬆D發揮平時水準吧)
面試時最重要儀容同禮貌,要比考官好印象
在面試進行前數分鐘，整理儀容。衣着要整齊
以下你要提小朋友,
入會見室前要先敲門,有禮貌地與面試老師打招呼
經常微笑，令面試老師留下深刻印象
坐姿要良好,唔好有小動作
與面試老師保持眼神接觸
坦白承認不懂回答的問題,唔好唔講野
面試完個陣,誠懇地感謝面試老師給你面試的機會


希望幫到佢入到心儀校^^

hello我係今年升中一既學生吖:)

我今年去過2間band1觀塘區既男女校面過試,
A學校既校風比B學校好,
而且D學生又比B學校既成績好既.

我去A學校面試時候,
D老師首先要我地進行一個中文既小組討論,
(4~5個人)
題目都唔係幾深,大約要講3分鐘到.
之後我就比老師帶到一間課室到面試,
((得自己一個人,冇其他要面試既學生))
戈到有2個老師坐係到,
一個係中文老師,一個係英文老師.
矩地輪流問左我D問題,
然後就會比張紙你,
叫你讀紙上面印住既一篇英文文章,
之後就走得咖啦~

而我去B學校面試戈時,
D老師就會叫4~5個人坐埋係同一個課室一齊面試,
入面都係有一個中文老師同一個係英文老師坐左係到,
矩地又係首先輪流問我地問題,
之後矩地就又會問一D問題,
不過係要學生主動舉手答既,
唔舉手就冇得答@@
然係D老師又係比張紙我地,
叫我地讀紙上面印住既一篇英文文章.
最後就問左大約10條既時事題,
又係要學生主動舉手答既,
唔舉手就冇得答.

其實我事前去面試戈時,
我都冇點準備過野-0-
只係照平常心去答老師既問題,
都唔係幾緊張,
我個人認為自己既表現都幾好~

如果你真係想做D準備既,
就可以叫你既小朋友練下膽量,主動D,
假設矩唔主動既,唔肯去勇於嘗試,
又咁岩去左D好似我講既B學校面試,
學校就一定唔會收矩咖啦~

唔知係唔係因為我今次去A學校面試既表現好,
定係我派位派得好,
所以最後都如我所願,入到第一志願,
即係A學校~
所以其實你唔洗甘緊張你小朋友咖,
RELAX~ :)
HOPE I CAN HELP U :)

時事同埋中英學術問題

通常都會問D時事題同埋自我介紹(e.g.介紹你ge好朋友)--記住盡量講耐D,如果有計時就要自己控制
叻 ge學校會比篇文章你,就住篇文問問題叫你答 ,呢d係無得溫ga
而上面004號你第2個小貼士似乎太誇張,會否給人大意的感覺?

通常都要
首先自我介紹
之後可能要即時講一D你對政治上既評論
之後會比D四格圖要你即時作文
有D英中可能要用英文讀出黎
小組既話
就會有一D小組討論
之後也可能有D數學既問題要你地搶答


小貼士:
1.入門前要說早晨或你好老師！
2.可以故意遺下一點小物件，之後如果老師發現話你溜左野你要唔該！
唔發現就一會兒自己走入門（要how門) 說：唔好意思我溜左野
咁會令佢印象深刻D
3.走就要講再見！
4.總之要有禮貌！

以上的都講得好岩呀～
做家長的一定會緊張Ｄ～
但盡量唔好畀大家太大壓力～

睇下以下的連結幫唔幫到你～
有唔同中學多年的面試題參考：

＜＜　升中面試題目　＞＞
http://www2.hkedcity.net/citizen_files/aa/cj/so1974/public_html/interview2.htm

祝你小朋友好運！
加油！

2013-08-16 15:03:04 補充：
「比較怕同陌生人傾計」
無錯~　有好多學生都是這樣。

你可以鼓勵佢同多ｄ人接觸，或者參加多ｄ活動。
當佢慢慢見多ｄ人，識多ｄ朋友的時候，自然就會主動一ｄ。

你講得岩，好多時面試的時候，主考官見你太靜，十問九唔應，答題一句起兩句止，的確會扣ｄ印象分。

你可以同小朋友講，而家當做場戲，但劇本係要臨時即場發揮的。
也要坦白同佢講，文靜同害羞唔係錯，但係如果可以大方大膽一ｄ同人溝通，咁樣都係好的表現，而家會對佢將來的個人發展好有幫助。

唔駛講得太深奧，主要令佢明白，同埋可以放心講野。
有時小朋友可能信心唔大，或者怕講錯，都會唔鍾意出聲。
所以我地要多ｄ鼓勵佢發表意見。

2013-08-16 15:08:39 補充：
fong 所畀你的小貼士都幾好呀～主要係要表現出有禮貌。　：）
但係故意遺下一點小物件就要小心，因為怕被誤會係處事大意。

由於只係升中學，我相信未必會問你政治評論（因為有ｄ學校都驚ｇａ，點知你係咩人），但可能會問下知唔知一ｄ時事（或無咁敏感）的題目，例如環保、社會服務等等。

另一方面，小朋友要答到ｄ關於自己的事。
例如問及興趣？　以往學過什麼？　將來有機會想學什麼？
音樂？　運動？　家中的情況等等。

祝好運！　：）

2013-08-16 23:08:04 補充：
頭先我打左一段野, 但係唔知道點解會無左? >_

2013-08-16 23:13:22 補充：
我頭先想同你講，其實有時面試官的確會睇下小朋友的對答如何。
呢一方面如果係怕醜的同學就會蝕底ｄ～
所以你可以同小朋友講講，到時要表現得大方得體ｄ～
唔好一句起兩句止，係適當的時候要發表多ｄ意見～

我又想指出，fong提及的要有禮貌都好重要。
老師會好注重品行的。
但故意留低一ｄ物件就要小心ｄ，因為有可能會覺得小朋友處事大意。

另一方面，敏感的政治議題應該唔會問，因為學校都唔希望有爭議。
但係一般的時事就需要知道，例如係環保的課題、公共設施、教育等等。

個人方面也可以問興趣，例如運動、音樂。有機會想學什麼？
介紹自己不同方面等等。

2013-08-18 21:00:16 補充：
都岩呀～
準備充足好緊要～
順便當練習下英文～

要諗下辦法點樣令小朋友唔好太大壓力，但係都做到準備～

2013-08-19 15:15:01 補充：
「睇黎都係要俾佢去訓練下膽量先」

＞＞
可以同佢出街果陣叫佢幫手買野畀錢，咁佢有機會同人接觸，你係後邊睇住佢應該無問題的。

＞＞
平時同佢傾偈要畀機會佢自己發揮講多ｄ野，要鼓勵佢講自己的意見～
要試下講出黎，唔好怕錯～

其實好多都唔同
但系好多間都要自我介紹既
英中多數英文!
有時可能要口頭報告一d野

每間學校都有不同的要求.

有些只是跟小朋友閒談,但有些就會考很多東西, 最好問一下以往曾有面試機會的學生這樣就會容易掌握.

不過我覺得學校已經在自行收生這階段,要選定了成績最好的學生,面試只是例行工作呢!