女朋友有左要分開,急急急......

我同女朋友一齊兩年,一直都係佢照顧我起居飲食
早幾日我同佢嘈交,佢突然同我講佢有左兩個幾月
然後嘈嘈下佢話佢本身想要而家唔想仲話要分開,佢話佢會落,唔洗我理
佢話一直佢都要照顧我,我就好似大爺咁,唔想再做阿4
(我知道我有時真係過份左)跟住又話我唔尊重佢屋企人
(我同佢屋企人關係唔太好,所以好小同佢返去見屋企人)
當晚我同佢好似好返,本來佢話要分開一個星期冷靜下,
講下講下變左3日,本身佢當晚就話要返屋企訓,最後都無
第二日我同佢一直whatapps,(之前既日子好小whatapps,公司多野做,收工會同同事打機,之後返屋企會直接訓左,直到佢收工返黎叫醒我,各位大大唔好鬧我住,我知我好衰sorry)直到夜晚,一早知道佢要同屋企人食飯,我知佢會唔返黎訓,
我叫佢小心d,佢突然同我講唔好比佢感覺係因為個肚所以先對佢好
其實我只係想哄下佢,等佢開心返
到第二日本身佢應承左同我屋企人食飯,點知夜晚話佢屋企人入左院
我話同佢一齊去睇佢,點知佢自己一個人去左,仲話金晚唔返
果晚我飲大左小小,whatapps佢問佢仲愛唔愛我(之前佢話大家淡左),我會搬走不用擔心,佢無覆我,直到朝早佢好似無事發生咁同我講佢返工
其實我唔知點做
問題一:其實我地算唔算分開左,佢同我屋企人講佢想分開
但係我地又好似仲係一齊咁
問題二:我屋企人話可能係佢有左bb,所以佢個心好亂唔知點
大家覺得會唔會係咁????
問題三:我覺得佢唔係去屋企人度訓,會唔會係我地之間有
第三者(之前我見到佢既一d小動作)定係我諗多左
問題四:我仲好想同佢一齊,好想留住佢,大家可以有咩方法
求名位大大幫忙,永感大德