20點！中意左個唔應該中意既人...

話說，我讀中學 有一次約翻個小學同學出黎玩 我放左學，就去佢學校接佢，之後佢同個呀sir一齊走左出黎 原來個呀sir唔教喇 最後一日翻工 佢系代課體育老師 就系因為我個小學同學同呢個呀sir熟 所以我都識埋個呀sir 加左佢fb 我地一路都冇傾過計既
之後，有一次見到個呀sir打野上個wall 問邊個有某某歌既琴譜 我就inbox左佢 因為我有，之後佢就比左佢微信我，一路微信傾 因為佢要做野，唔用電腦要用電話，而且我有琴譜。
傾傾下，好似成為左朋友咁都冇約出黎見既，我只系見過佢一次。佢大我10年，但我地好好傾，一起身又傾 佢放工又傾 臨訓教都傾。本身我覺得自己同佢真系just friend，但之後我覺得自己開始注意佢，平時手機一震就會好快去check，但如果唔系佢sd野過黎，我就會好down，佢一sd，就會好開心。平時等佢答我，如果佢五分鐘冇應，我就已經覺得好似等左幾粒鐘咁耐。。。
直到呢個禮拜，我發覺佢應得越黎越慢，我好唔開心呀。但突然佢又話約我出黎食飯，咁好啦，我就出左黎。我對住佢，緊張到手都震埋，但一齊玩得好開心，去左打機，又周圍行。但出街途中，我完全feel到佢對我系呀妹咁，因為我打機既時候越打越進步，佢又話摸下我個頭，話我進步左。佢比較高，有人撞到我，佢又會護住我搏頭之後一直搭住，又會用手吱我引我笑..果一日我真系覺得好開心....... 但我因此越黎越怕會失去佢 點算，我唔想放棄呢個機會，我應該點，我而家仲未算大，我認為仲可以試下，你地覺得點？