求求各位高人指點一下, 急急急!!

本人上個禮拜四晚去了大角咀海旁, 坐坐下張chair突然覺得好似有野咬我隻腳既腳面(當時著住婆仔鞋), 我即刻大叫, 拎起隻腳, 見到右邊無幾遠有隻蟹行緊走, 左邊 有一隻好大隻既老鼠向我地方向行近, 跟住我就即刻起身去第二個位, 再望下我隻腳既腳面, 見到有兩達好細好細既紅點, 感覺係個隻野想咬落去, 我就咁岩提起左隻腳, 佢無咬到, 亦都唔痛, 唔知邊隻野咬啦, 跟住我地就諗住快快行返去奧海城, 點知途中又見到一堆"呀差" 打交, 我地呢埋係草叢後面, 無幾耐就有警察來追佢地了
發生呢兩件事之後, 我地就快快趕返屋企啦
到第二日星期五一早起身就超頭暈, 係天旋地轉個隻, 之後仲要嘔
(以前係從來唔會有咁既情況架wor)
返唔到工, 係張床再訓多兩個鐘, 訓緊個陣發左個夢, 夢見有個人係我身上唔知吸d咩, 之後扎醒左, 頭暈同作嘔既感覺都無哂, 好奇怪地
跟住就去左睇醫生攞假紙, 訓左一日
到第二日, 我媽咪竟然同我一模一樣既情況, 又係頭暈, 跟住嘔
跟住又係係屋企訓左一日就無事了
星期六,日我都無事的, 點知到左星期二, 又來
雖然無咁暈, 但係無胃口, 同埋有少少作嘔
返公司lunch都食唔落,
夜晚去左睇中醫, 佢正係話我血虛, 血氣不足咁
星期2,3,4都係咁, 到呢兩日雖然胃口好左, 食到飯
我西藥d咩止暈止嘔藥又有食, 中藥又食哂
但都仲係咁,全身無力, 頭重腳輕咁...
我媽咪同親戚問我係咪惹到d 污糟野返來>.<

想請問如果係惹到污糟野返來既感覺會係點架??
(本人平時食野方面好講究的, 係屋企盡量清淡, 而且平時都好早訓)
從來未試過咁樣既徵狀持續成個禮拜的>.<"

已經請左3日病假了, 我真係唔想再請啦>.<