(人際關係)朋友同事的話題, 我完全搭不上咀

轉左新工, 全公司都係女人, 每日既話題唔係去邊度食野...就係去邊度旅行(指明一定要搭飛機先叫做去旅行)

我對於食野同去旅行真係冇咩大興趣...假日都只係去下茶餐廳...大時大節都只係同家人番大陸...所以...我真係搭不上咀

唔通幾十歲人,未去過泰國,台灣,日本係唔正常?

同事A去日本, 同事B就搶著說: 你去日本牙, 你(命令式)一定要去邊度邊度呀, 你(命令式)去果度食野丫, 你(命令式)唔好去果度食呀...

說到食野...同事C話去過某餐廳, 同事D就搶住話:我都去過lor...果D排骨ok架...不過個汁淡左d lor...你可以試下既....日日做食評....連日本零食都唔放過...ok啦...ok既...ok架......

我嘗試討論其他野...新聞呀...電視劇...娛樂...佢地都係一句起兩句止.....之後又講番打邊爐...放題.....

就算同朋友食飯...佢地都係講去旅行...食野......我...多數齋聽....朋友跟我分享遊歷...我都會好細心咁聽...覺得佢地比起同事真心

以前...好似都唔係咁.....唔通係我逐漸同社會脫節? 其實...就算我去左旅行...我都唔會一輪咀咁講晒出黎....我可能只會寫係blog度分享....如果別人問我有咩景點...我先會介紹.....只不過...如果我只係番大陸...講出黎可能佢地都冇興趣.....可能會比人笑...

唔知有冇人遇過以上問題呢?