我宜家26歲，係唔係已經好難搵男朋友？

實不相瞞，既然大家都係主內的弟兄姊妹，我就嘗試用基督教的角度回答…… 其實我都覺得基督徒的男仔的確比較少都幾難識到，但我覺得你係應該要繼續堅持搵返基督徒，唔係話只要合拍就得，唔需要宗教相同。試想，如果男朋友並非基督徒，大家的價值觀總會有出入，可能好多時你自己返教會或去教會活動佢就覺得你成日唔理佢淨係顧住個上帝，即使個男仔為人有幾理智幾包容都好佢最多收埋噝心裡面自己唔開心都唔同你講，但如果你愛佢的話都唔想佢成日因為咁而心情唔好架，何況依家好多男仔都比較自我中心/人稱港男。 如果個男仔係基督徒而且對信仰認真同真心的話，就算佢點衰極都有限，通常果D男仔信得都係有質素嘅(當然唔信都有)，你哋有相同的價值觀，會依照基督教的誡命行事同相處去愛對方，同埋你唔覺得雙方都係基督徒可以一齊返教會或出席教會活動、可以一齊靈修禱告、唔驚你噝度做緊飯前祈禱佢開始緊食飯/阻住佢食飯，依D都係好開心的事嚟架咩？ 更重要的係重點喺依度，聖經哥林多後書6:14-15都有話：「14你 們 和 不 信 的 原 不 相 配 、 不 要 同 負 一 軛 ． 義 和 不義 有 甚 麼 相 交 呢 ． 光 明 和 黑 暗 有 甚 麼 相 通 呢 ．15基 督 和 彼 列 〔 彼 列 就 是 撒 但 的 別 名 〕 有 甚 麼 相 和 呢 ． 信 主 的 和 不 信 主 的 有 甚 麼 相 干 呢 ．」可見聖經都已經攤哂牌叫我哋同返個基督徒成為伴侶， 仲有聖傳道書4:9都提及：「兩 個 人 總 比 一 個 人 好 、 因 為 二 人 勞 碌 同 得 美 好 的 果 效 。」咁我相信果個男仔係基督徒無論噝日常生活同信仰上更可以與你同行，以同得美好的果效，相反唔係基督徒就可能多D爭執的時候，加上上帝安排兩個人一齊唔係就咁一齊生活之後完咗，當然扶持同照顧對方終生就一定架啦，更重要的係從你哋的愛去見證上帝的愛，唔係顧住愛又無視咗神或咩都無做，這是作為天父兒女的使命之一。 講起上帝安排，其實我覺得你唔洗咁擔心依家26歲係咪已經好難搵男朋友，你信得依個基督就相信祂所作的一切，相信祂會為你安排你適合的伴侶，甚至可能已經預備咗，只係可能時機未到，聖經都話上帝同我哋的時間唔同，你依家的責任/要做的係等，等上帝比你的果個人，如果你仲擔心，想三十歲左右就結婚生小朋友，但又好似好難識到異性朋友，就將你噝度所講的煩惱藉持久的禱告交哂比上帝，我諗其後你的心會更加平安及得到安慰，祂終會垂聽及應允你的禱告， 如果都係無咩改變，上帝未回應你，或許你可選擇積極少少，例如參加多D課程/興趣班或做多D義工結識異性朋友，只是遇到基督徒的男仔實在幾難，不過我強烈建議你千其唔好試下返其他教會識下人，因為如果你真係一個真心對信仰認真的人返教會係為咗敬拜同事奉上帝，而唔係為咗識人揀男女朋友，我好明白你都係想識返個基督徒做男朋友姐，但係你返開果間教智突然為咗依個原因而轉另一間就好似唔係咁好，所以最好的其實都係等待同祈禱。 我自己比較鍾意聽歌，尤其詩歌旋律真係好好聽，有兩首基督教流行曲我覺得同你依家的情況好貼切，可是幫助解答你的問題/煩惱同總括我上面篇字海，好多人都有聽過，相信你都應該聽過，比埋You tube條link你，裡面有埋歌詞比你仔細過濾，非常好聽同有意思：
不要驚動愛情http://www.youtube.com/watch?v=4mi7muKog5g(高皓正版)現代的愛情…講的…是有Feel就走在一起…然而...上帝的愛情…講的…卻是要專心等候祂預備的那一位…耶 路 撒 冷 的 眾 女 子 阿 、 我 囑 咐 你 們 、 不 要 驚 動 、 不 要 叫 醒 我 所 親 愛 的 、 等 他 自 己 情 願 。 雅歌8:4好好戀愛http://www.youtube.com/watch?v=vfzHIf3X5rQ(王祖藍、彭家麗)裡面的「我」很渴望愛情，我(彭家麗)：我的天父，我只想要安穩地找個人來愛，請讓我知道那個人在不在。天父(王祖藍)：我的孩子，難道你忘記了我就是愛，學懂愛我，學懂愛你自己，你就懂好好戀愛。
我的孩子，何不嘗試安靜地慢慢去等待，你就會知道那個人在不在。 不過世事無絕對，我都覺得上面的弟兄/姊妹有D都講得幾對(估唔到依度原來都有幾多基督徒嘻嘻)，如果你有一日真係遇到一個心儀但不是基督徒的男仔，可先嘗試與他交往，再慢慢向佢傅福音、帶佢返教會、為佢信主禱告，希望聖靈感動佢成為基督徒，咁雙方就可以在主的愛內彼此相愛及作見證，相信佢同得你走埋一齊又知道你係基督徒都唔會對基督教咁抗拒，會易D傳福音比佢。

2013-08-09 19:41:49 補充：
希望真係對你有幫助啦，我打咗好耐好辛苦架。

2013-08-09 19:42:26 補充：
主必有祂的旨意，就放心讓祂指引你找到那個人，願主恩常在。

很多時候，人都會被自己的想法所局限
這時，你應該要用新的角度去思考
這樣問題才能解決

因為很多問題起因
都是因為不瞭解自己所產生

推薦你這個東方命理的免費算命網站

免費算命網址: http://www.tellyou88.com/

可以免費神算算命：紫微斗數、姓名學、易經占卜

可以瞭解你的問題
並且得到解答

誠心的推薦給你 !!

講真搵反教會男仔拍拖都未必一定系好事　：

教會男仔亦未必一定系好男仔　

吾好因為自己　２６歲而心急　

我而家咦家　２９歲都可以搵到　

所以你吾需要擔心　

但你一定要識同男性相處技巧　／　

多表達你真實一面比人睇

26歲都好细嗜，只系你缘分末到

你26歲識男朋友一D都唔難,你想三十歲左右結婚生小朋友都唔太難,大約拍2年拖,結婚+度蜜月大約用1年,到時先30到,慢慢養身都未遲,其實li家野都係隨緣,話黎就黎話走就走,不過,你都應該識下其他人

首先申報我係基督徒...
但係唔係好buy每個基督徒都要/應該一定要選基督徒為配偶/結婚...的傳統。唔想詳細分析聖經內容引述的根據和應用...

但既然你相信這原則/神的要求，就只好從這角度出發...你咁大個人，除了要一個叫基督徒身份的人，應該問吓你自己認為他需要的質素是甚麼才合你口味(你認為啱神對你的心意)? 列出每樣後在旁邊畫一個等號 = 在等號的另一邊例出每樣等於是你認同/認為是那一種「基督徒質素」，然後再畫一個 = 再寫出每種「基督徒質素」等於你能日常表現的那一種質素，最後問吓你認識的男人(包括基督徒的弟兄)你自己認為的基督徒質素是否他看為對選擇一個老婆需要的基督徒質素，又從他的觀察你有沒有表現出你話你應該有的日常表現，最後問他你自選的表現質素是否他會考慮作為老婆的要求。

假如在你訪問(交談)的過程中找到其中一項配對得出三組都一致的你...那個已經可以話係神的安排啦，請快快表白你想要跟他拍兩年拖便結婚共渡兩年二人世界然後生兩個bb，完成神托付你在世界的使命...，唯有咁清楚的表達基督徒男人才能明白你的心意。唔可以諗住扮純潔等弟兄看你上眼追你。

反觀你話遇唔到是否其實在你還沒有告訴人你咁神聖的理想前其實你已經睇他(們)不上眼。其實可能有男信徒好認同你的婚姻觀又肯配合娶你的。

以利亞在跟巴力先知大戰後也以為只有他是對神忠心的唯一一人...但只有當他感到窮途末路向神大叫申冤求死時，神才告訴他仍預備了七千人跟他同樣的忠心。

同埋都唔好俾咁大壓力自己啦 緣份既野 好難講 有D人三十幾歲先開始一段感情
主會指引你 放心
我自己三十一歲 都仲單身緊
唔介意做個朋友 大家share 下
my email: [email protected]

26歲係咪已經好難搵男朋友呢？
一啲都唔難.

首先, 請唔好怪我老實, 教會人多勢眾, 應該好容易結識異性, 如果妳覺得好難結識異性/搵男友, 先要正視問題嘅根源, 如果根源冇問題, 不論教會, 任何情況環境, 都會有異性主動嚟結識你, 至於識咗後, 相處長唔長久, 係另一個問題, 而家, 妳未有男友, 咁, 你就要盡量改善一下根源問題, 不竟大多數俗人嘅眼光都係膚淺, 男友, 只要合拍就得, 唔需要宗教相同, 上帝已經安排好每個人幾多歲結婚生小朋友, 急唔嚟, 而家好多女人四十幾歲先生, 一樣冇問題, 將你嘅煩惱交俾主吧, 主必有深意.

我想問下係咪宜家26歲係咪已經好難搵男朋友呢？

緣份呢家野, 可遇不可求, 有啲人成四十幾碎先遇到自己的另一半

究竟我係咪要堅持搵番基督徒呢？

咁就睇你有幾想另一半係基督徒拉, 有些人對信仰好執著, 最重要係大家可以互相尊重大家有不同信仰

我係唔係應該試下番其他教會識下人呢？

你可以咁做, 但緣份呢家野好難講, 要黎擋都擋唔住, 或者你可以讀下興趣班 or 搵朋友介紹