如果你有興趣就睇落去LA 其實都幾長...
我自問係一個又醜又暗瘡既五尺一吋肥婆 而且對任何事好敏感,份人都好自卑
話說今日係巴士上遇到一啲唔愉快既事.. 我上左車之前搵左個位企 旁邊有一啲差唔多年紀既學生 眼見人地成幾個好開心咁傾計 就覺得自己好孤獨咁.. 之後我就心諗: 咁又係既~
過埋今個暑假都中六la 朋友,我一直都好似從未有過 每日番到屋企 第一樣做既野就係睇下FB 一到暑假就會見到啲同學既相 唉..青春 我好似未擁有過 夠竟同朋友一齊顛既感覺
係點? 諗下`諗下 又到下一個站 之後有一對情侶入左黎 我諗佢地應該細過我 佢地入黎時望左我一眼 結果我好尷尬咁走開左 亦都唔敢同佢地有直接視線接觸.. 無計 我天生就係咁弱雞 有好多身邊既同學都拍緊拖 有時都會諗其實我性格都唔差 不過我都知你地拍拖 緊係要搵靚既 有好多靚既都做晒收兵女神 我呢啲醜既想得人欣賞都難..
無他既, 只係想有一兩個人既鼓勵..
感謝你地睇呢篇野~
哎..點解我係一個咁自卑既人 希望你唔會因贈點而睇..
2013-08-08 6:47 am
回答 (4)
2013-08-08 11:09 pm
✔ 最佳答案
我都想同你講 其實要面對自己既不足接受自己既不足 唔係一件容易既事 你今日響到同我地分享分擔 其實我真係好欣賞你 我見到你自己搵到自己有咩優點AH :) "你性格唔差" 我估你都應該覺得自己份人都容易相處的 只係可能自卑感 令自己覺得總係好似同人地有個差距
其實做人要清楚自己既長處短處 你既長處係性格唔差(當然你都可以具體D指出咩係性格唔差haha) 你既短處係自卑感大 覺得自己唔會有人欣賞
一方面你要好好了解自己既優點 你點樣可以運用你既優點出黎去吸引人:) 例如原來你煮野食好叻係主婦型 你可以響大食會主動話幫手整野食 or 例如你好細心 你可以得閒提下同學仔黎緊有咩功課要交有咩quiz同埋quiz既範圍 唔好唔記得
可能係好微少既野 但係做左 都會令自己既信心同存在感增加!!
響自卑感方面 其實都要正視你自卑感黎自邊到? 如果你覺得自己可能身型唔夠好睇/皮膚唔夠好 其實你都可以響條街到留意下 其實唔係個個身型好皮膚好先有朋友仔響身邊的:) 個個人都有唔同體型唔同膚色唔同皮膚 佢地都會有人響身邊同佢地一齊 咁究竟個原因係咩呢? 其實我覺得係佢地覺得外表對於社交生活唔係一個好大既問題 佢地行出黎有自信 有信心 自然可以吸引到人 自己唔會介意/揣測人地既目光 (因為有時人自卑感既出現先覺得自己對方望住自己係唔鐘意自己 其實對方望住自己 都唔代表係咩問題既 望完又唔係對自己評頭點足 自己有時行下街都會望下身邊既人) 如果你真係覺得外表好大問題 有d人都會選擇去減肥/做facial幫補 不過我個人認為心態上既調整較重要^_^
加油啦^_^支持你的!!
如果你仲想傾訴都可以搵我架~~~
2013-08-14 12:48 am
我都同你一樣,一到暑假就會見到啲同學既相,而自己就冇同朋友出去玩過.到左中六都就畢業,你就當係人生重新來過,重新認識朋友.你話過自己係一個又醜又暗瘡既五尺一吋肥婆,冇朋友係因為佢地只係睇你外表,完全冇欣賞你內在,或者你會遇到好好的朋友呢!拍拖唔使恨,只不過係羊群心理,唔拍拖其實仲輕鬆!希望你可以遇到對你好的人.
2013-08-08 7:34 am
其實內在比外在重要..你D朋友5理係佢地走寶.........5好咁諗;LA
\(>^<)/噗噗.加油!≧﹋≦
\(>^<)/噗噗.加油!≧﹋≦
2013-08-08 7:32 am
唔洗咁灰既，朋友lee啲野有就當然好啦，但係冇都一樣唔會死既，做你自己想做既事咪得囉，如果你d朋友話就話當你朋友但係喺後面講係咪仲hurt
收錄日期: 2021-04-13 19:36:56
原文連結 [永久失效]:
https://hk.answers.yahoo.com/question/index?qid=20130807000051KK00419