ＨＥＬＰ！！！被個陌生男人監視！！！

好長…ＳＯＲＲＹ，但係唔該幫下我！！！


話俾我聽應該點做……

係咁既，件事已經發生左成一年半，依我終於都頂唔順。

我係一個初中生

係一年半前，

我大廈附近有一個外國男人（大約５０－６０？）企係條街到，

食住煙。

由於佢企個個位置係我一出大廈去返學個條路，所以我次次一出大廈都會見到佢。

初初我不嬲覺得冇咩野

心諗：「佢可能係放完工企係到艾住D柱休息姐，或姐可能係等朋友。」

但後來開始，我發覺連我放學佢都係到（佢不嬲正係中午先出現）

然後我又覺得冇野啦。

但之後佢開始每次見到我都會對住我笑，我就禮貌咁回應過一次。

後來我發現我一出大廈就算我唔望佢，我對眼D凝光見到佢望着我係到笑

過左好多個月，佢仲一直係到。

有次我同啊媽出街個陣，我話去間文具店買野。

之後俾錢個陣，我望出門口，見到佢竟然係對面，仲笑笑嘴咁望住我。

起初認為自己多心既我，開始起疑心。

後來我試過一放學番屋企就即卡望窗口個位置，見到佢竟然唔見左！？
（姐係話佢唔係等人或姐休息？如果唔係點解一見我走左佢自己又走埋？）

有一次落雨，我見到佢擔住把傘（而我當時冇傘）

然後我發現佢經過我身邊個陣 郁一郁，側左過我個邊，好似想姐我咁。

但我冇理到，加上我又行得好快，係佢身邊經過只有２秒鐘。

為左唔想見到佢，我放學特登同班FRIEND出去食野，搞到好夜先番屋企。
之後我放學就再冇見佢。

但係佢中午個陣依然係到！企係個個位笑笑口咁望我。

我於是出門同番屋企都兜路，等佢見唔到。

但係好唔好彩俾佢發現左！於是佢企係街中間，四邊都可以望到！
搞到我兜邊條路都唔得！

後來我叫朋友同我一齊番學放學，但係佢仲係咁……！
（我朋友就覺得冇咩野，因為我冇同佢講。）

依家我連暑假出下街都會見到佢！好困擾…
佢知我知到左，於是我一行過就特登轉頭，趁我扮望第二面就一路望住我！

我同過啊爸啊媽講，但係佢地靜係叫我唔好理佢。

啊媽就話：Ｄ外國人係鐘意企係條街到望黎望去，唔洗理咁多，佢冇同你講野未得lor

我又唔可以係停車場入去…（因為係車先入到去，有野攔住…）

我好驚我開學仲見到佢！明明我已經兩星期冇出街。

我個窗口靜係可以望到其中一面，
但係佢已經企到係D有野陰既地方，搞到我完全見唔到！

ＨＥＬＰ！求解決辦法！！！