樓上滋擾 (嗅衫+噪音)

每日洗衫都好正常, 夏天, 啲衫冇理由著多過一日先洗, 沖多兩次涼都要洗多兩套衫啦, 屋宇處話唔會處理住, 咁都冇計, 啲衫長到落嚟遮住你個窗就真係過份, 可影低相做証據, 每次向管理員投訴, 如覺得管理員處理不善, 可向管理公司投訴, 你搵樓上傾, 佢肯應酬你, 已經算好好, 既然佢肯應酬你, 你好聲好氣建議佢改變晾衫方式, 起碼唔好長到落嚟遮住你個窗先, 你將佢啲衫遮住你個窗啲相俾佢睇, 居住環境狹窄, 就會多哩啲問題, 大家遷就忍讓吓啦, 起碼佢肯同你傾, 都唔算好衰, 真正PK惡鄰都仲有好多.

2013-08-06 14:02:23 補充：
滋擾嘅噪音可以報警, 但如太過針對, 人地可能會報復, 你喺樓下會蝕底啲.

2013-08-07 02:59:06 補充：
長衫長褲, 你不如建議佢對摺晾, 雖然晾乾時間長咗, 但唔會長到落嚟你個窗遮住, 你將影低嘅相俾佢睇, 証明佢真係有外物遮擋你個窗, 如不改善, 你就報警/向有關方面舉報, 你有相片做證據, 可以咁做, 點解唔咁做? 樓上滴水, 影到相做証據都可以舉報人啦, 你唔想聞洗衣粉氣味, 唯有自己關窗, 有人煮鹹魚氣味難聞, 都冇權叫人唔好食鹹魚, 你上門搵佢, 佢唔係應份要開門同你傾, 報警話你滋擾佢都仲得, 你將佢屬於違法嘅証據相片俾咗佢睇先, 先禮後兵.

2013-08-07 04:59:31 補充：
突然想起, 你燒香薰煙都係有限時間, 可考慮買幾袋臭豆腐, 掛喺窗口最接近佢啲衫遮落嚟嘅位置, 薰佢啲衫, 一嚟遮蓋咗洗衣粉味, 二嚟以味攻味, 或可攻退佢都未定, 就算你食咗啲臭豆腐, 個紙袋都唔好掉, 繼續掛喺度薰佢, 或可買極品濃味鹹魚/著咗好多日冇洗嘅臭襪嚟掛, 佢晾咁耐你就掛足咁耐, 而你咁做係冇違法.

有位小人兄介紹既方法可能真係會令上面既衣服暫時性換位
不過甘樣可能會令到你地關係惡化,發生不愉快既事就唔好啦

你睇下有冇氣味好D洗衣粉介紹佢用,
同佢傾大家樓上樓下冇理由搞到大家你煩我又嬲
大家一人讓一步,少D放長庫出黎外面涼同改用氣味較輕的洗衣服

樓宇大厦外牆加雨水簷篷,晾衫架或冷氣機及架,在不超過某呎吋又沒即時危險,屋宇法列是可接受的,窗戶被遮擋是違法,但你不可自行除去窗外物,因為外牆應是公家的,樓上樓下和解包容本來是最佳方法.
我叫小人我小人的生活慣性會在窗前吸煙,燒香,燒烤...等,熱力上升油煙出去街,晾衫位址都改埋.........曄曄曄