住院保險 (女-1year & 女-31years)

您的意指是醫療保險? 市面上很少有定額保費的醫療計劃, 除非是獨立的....
而每間公司都有一種的獨立計劃, 我公司不例外....
它只要投保一個保額, 就包括了住院/手術及出院後覆診保障.....
雖然它的好處是定額保費和有限的供款年期,
但都有賠償限額, 當超額時就沒有得再保....

您可自定投保額及保費, 保費最低月供200HKD(約25.7)
供十或二十年, 每年定額保費, 保至一百歲, 這是您應付到預算之內....

至於您想有額外住院保....您是否想有住院保之餘還有其他保障如人壽/危疾等等呢??
同埋, 您心目中甚麼樣先為止是足夠的保障呢??
與其這麼需要, 其實以上的獨立醫療已經是全面了, 冇需要加額外住院保....

本人同意樓上 Henry 的講法，但我少許補充，若是３１歲的那位女性是妳本人的話，請問妳現在是否有工作，工作的公司是否有醫療保險提供，如果有，我可以建議妳只需購買一份墊底費版本的醫療保險便可。這樣保費可以便宜很多，加上只要在６０歲或之前可以無須申報健康狀況而轉換至沒有墊底費版本的醫療保險。
至於１歲的小朋友，我建議可以買一份有儲蓄成份的醫療保險，因為小朋友除了發高燒或生病而入院之外，若因其他重大疾病的機會而入院的機會相對較成人為低，所以可以利用這２０年時間，為小朋友累積一至兩份醫療儲備金，加上這份醫療儲備金去到５／６０年後，其所累積的儲備金已高達７／８０萬，但其間只不過是支付咗接近８萬蚊的保費。
若是擔心這份醫療保險不足支付將來的醫療開支，不妨可以考慮買夠兩份，又或者先考慮買一份１０年期的供款期，每年的保費都唔駛＄５.５Ｋ，當小朋友去到１１歲時再額外買多份，屆時的保費亦只不超＄７Ｋ。而這２０年內，妳只不過替小朋友的醫療保險付出了不到＄１２萬的醫療支出，但卻換來超過１００萬的醫療儲備金，若是小朋友長大成人後，不幸有需要入院的時候，可以 claim 醫療，但日後健健康，完全沒有住院的需求，這１２萬除可全數取回之外，更可享有一些額外紅利。

住院保險市面上有兩種,

1)醫療儲備
每月定額保費, 供大約20年左右, 可保到100歲, 去到一定年齡後可取回未用的住院儲備, 假設你買50萬咁計, 你大約供20萬, 就可以cliam到最多50萬, 一claim爆就完

2)另一種係住院保險
每年或每五年會加保費, 要供到100歲, 可保到100歲, 退保或離身時有少量金錢可取回, 但就可以每年最多claim800萬到2200萬不等, 一世人最多可以claim2000萬到6000萬不等

我個人自己就買第二種, 第一種雖然不加價, 但醫療費用越來越貴, 小手術入院好多時都要一兩萬先得, 大手術或大病每每以十萬計, 第一種有機會一個大病就全數用完, 到時就要再買過, 但你有過大病保險公司未必再受你, 到時就大件事啦

大部份保障經紀都會用一d儲蓄人壽連埋一個住院保險比客, 咁就可以係一定年期後供完(大約係5年到30年,睇返自己供款能力), 之後用儲蓄人壽內的保證現金或紅利用來支付之後d住院供款啦

最後提提你, 買住院最最最重要睇返3個重點
1) 一定要保證續保
2) 唔會因個人理賠加價
3) 公司過住理賠數據, 如果間保險公司10個客有8個部賠唔到就無意思啦

利申: 我都係一個保險經紀