新手模型上色 - Ans.fyi 參考答案

新手模型上色

[匿名]

2013-08-06 1:23 am

最近小弟初學模型上色,想試試替模型上色,甚至想投入去玩。但經過爬文發現疑問多多及一頭霧水,以下為各種問題:

前題:
>小弟玩開高達BB戰士模型(BANDAI),所以想替模型上色,但爬文發現部份師兄話細節需要筆油/噴筆,但小弟容易手震,筆油似乎有困難.......噴筆操作似乎亦頗困難....
>小弟樂於學習模型上色細節,耐心,但唯獨多手汗,易手震,易忘記重要步驟
>預算:1500HKD

1.想以噴罐開始先,但係咪就咁買咗噴罐就得,洗唔洗要其它裝備??如果要,係咪普通模型店執到成套裝備工具?

2.噴罐MR.COLOR定雙星最好?如何透過噴罐得知水性定油性?

3.所謂既底灰,用清潔劑清洗模型,先用白色作底色,光油等等呢啲步驟,以噴罐上色係咪都要做足??

4.爬文發現師兄話先上一啲模型討論區或睇一啲模型書,想問那一本模型書?

5.好似有啲模型筆,係咪買印有高達樣既果款?定其它?

6.又想試下用噴筆,買100~200內既台灣出產噴筆耐用性高唔高?(如果怕保養唔好,係咪唔好買?)

暫時咁多問題,希望各位唔好介意問題幼稚或鬧我冇爬文,因為爬完文都幾混亂,例如有資深師兄話新手以筆油開始,但其它又話各種方式開始都得..........
總之希望各位能解答,謝謝!

回答 (1)

NYC

2013-08-08 2:00 am

✔ 最佳答案

其實砌模型無話要點開始最好，如果鍾意的話其實素組都可以玩得好開心^^
而我以前都係素組 > 筆塗 > 噴筆 > 改造咁慢慢玩上去，無話噴罐或者筆塗邊樣開始先會好D，亦無話一開始玩就買噴筆就唔抵，都係睇你自己覺得自己有幾大興趣^^

如果有心想買噴筆，我建議你可以試下，因為可以玩到的變化會大好多，長遠計抵玩過噴罐好多。
1500蚊本可以買到簡簡單單一set噴筆+氣泵，但當然要睇下你要幾高要求。而台灣筆都OK，如果開始可以買0.3mm的，比較汎用。你想知邊隻OK我可以再介紹俾你。
如果砌B記的模型都唔洗洗件，除非你玩首辦啦﹗底灰可以買mr color 的底灰噴罐，新手夠用了。但你要知道底灰的主要用處是遮住件上面的細紋同埋加強噴油的依付力，所以如果用噴筆上色記住要先噴。
一般來說如果上淺色同鮮色我會用白色底灰，而深色如灰色及黑色我先用灰色底灰。
至於噴油方面，可以用mr color油性油，用油性thinner開1:3，就可以噴。如果噴BB戰士的話，因為無咩分件，所以可以先噴淺色，再用噴油用的膠紙貼住某D位再噴其他色，咁出黎的效果會好正。
等噴完色後可以滲墨線，一般來說如果用mr color噴油的話，所以用雙星的黑油開稀約十倍滲線，咁就唔會融到底色了。
最後上光油，咁就視乎你鍾意邊種效果，如果想光澤的就用全光或半光光油，如果想啞光就可以用消光光油。
因為唔知你之前上網學左幾多，所以無全部都講得好deep，如果有唔明可以再問或者email我問都無問題~ 我的電郵是nycbwy at 雅虎香港

參考: 自己20年砌模型的經驗 ^^

👍 1 👎 0