貝澳掘蜆, 大鄉里有野問= =

貝澳掘蜆唔好,好多人去貝澳掘蜆,差唔多都掘曬喇,我就建議你去塘福／水口，個到啲蜆又大又靚．你係東涌搭１１就可以去到（個站係３Ｍ隔離）中途到落，同司機講就得喇．

著短褲係最好，容易比你活動，係唔係沙灘褲唔緊要，自己舒服就得喇．要戴拖鞋因為隻腳都會濕到．
通常岸邊掘就係蜆，而出海掘個啲就係沙白黎嘅（大隻啲嘅）

工具方面就係摌咁樣嘅野喇，帶個容器放蜆．唔知你戴番屋企定係個到住．但係掘左就要拎啲海水，養佢一日先好食啊，因為要等佢吐沙．如果你即刻食就會好多沙架喇．

如果係貝澳黎講，係無ｌｏｃｋｅｒ嘅，塘福／水口就唔知有無喇．你係沙灘掘可以放啲野係啲唔濕嘅沙到，上面都可以．以我多年經驗係無人會偷你啲野嘅（試過好多次）不過你唔放心都可以搵人黎住嘅．

我個多月前去過貝澳掘蜆,都幾好玩
去得沙灘都應該係會著泳衣,
不過如果你唔想濕身,其實短褲都可以,
咁你就向海灘,唔好出海掘囉,
以我上次經驗,海邊掘到D蜆細隻D,如果你出海可以搵到大隻
但係已經係近兩個前的事,宜家未必有咁多,唔好抱太大期望

工具方面要帶小摌,帶個小桶,拖鞋就帶好D

果度有無LOCKER我真係唔知, 印象中好似無,都係放埋一邊,搵朋友睇住