同男友岩岩開始已經無感覺? 點先可以令你想同果個人一生一世?

唔係點先可以 '令你' 想同果個人一生一世
而係 '因為' 你一開始就有種想同果個人一生一世既感覺
'所以' 先同佢係埋一齊
不是嗎?

"但對而家男朋友,我只係想做一個好既女朋友,到底為左咩我真係唔知"
兩個人係埋一齊 可以係個習慣
為左唔想有個習慣突然冇左
為左唔想不安同唔協調既感覺出現
為左唔想付出左而得唔到回報
亦都可以係為左你暫時都未知而又確實存在既原因

開始左 唔想分開 如果因為"佢咁好,我唔想傷害佢"而繼續同佢一齊
令佢有個對自己其實又冇好大FEEL既女朋友
愛情係感性 婚姻係理性 (個人認為)
冇FEEL但係繼續一齊
咁樣仲算唔算係"我對愛情好認真"

"我好想愛我男友"
你 '好想' 愛佢 即係實際上 你唔知到底做唔做到
"但真係好似愛唔到咁"
標題都講左 '無感覺' 幾隻字
無感覺其實愛唔到係正常

不是嗎?

希望幫到你清楚少少到底發生緊一件咩事
我講野實在係唔叻 可能令你更加混亂 很抱歉

呢個係正餐同甜品嘅比較, 道理就唔詳講喇, 當下選擇妳想要嘅野就ok喇~
有d坑係唔中過落去妳係唔會知個坑係好係壞, 所以隨心啦...
當然, 甜品永遠都唔係正餐, 要知分寸...
順帶一提, 小姐妳好似唔多清楚咩叫愛咩叫情, 唔好話我黑心講句, 妳總會又中一伏, 緊記一樣野: 再好食嘅野總有一日會食厭, 問題係妳可以如何重新欣賞佢, 唔明唔緊要, 有所成長妳就會明...
PS: 要Y理詳解可以e貓我~( 記得講番係咩問題~)

係咪有人話,kiss果陣係最有feel既時候?

佢Kiss 你, 你都冇feel , 咁就真係冇feel, feel 呢樣野好難講, 有就有, 冇就冇

愛情係咪一定要有feel先可以行落去?

係, 有feel 先會開心, 先會掛住, 先會想見, 先會想同佢有更親密既關係

如果你對佢冇feel , 點解仲要迫自己同個冇feel 的人一齊?

單純因為你覺得佢好?

因為佢好而同一個你唔愛ge 人一齊?

你對佢冇feel 仲同佢一齊, 你E 家係傷害緊佢, 長痛不如短痛, 早早搞清楚都唔會太傷, 拖得越耐傷得越深

你又能否保証將來遇到個有feel 的人, 你都唔會離開佢呀?

其實feel呢家野有無得培養返出黎?

好難講, 可能慢慢就會有, 可能呢一世都冇

將心比己, 唔好為左一己私慾, 傷害一個無辜ge 人, 冇feel 就冇feel , 冇得解

P.S. 我都被人傷害過, 應該放生佢定繼續傷害佢你自己決定

拍拖唔係靠feel 係靠感情靠責任
好多人係熱戀期之後散 係因為佢地以為感情淡左
實際唔係 只係戈種feel變左做一種感情
其實可能你既心底並唔係超中意 或者你已經睇化哂拍拖既野
剩係想對佢好做個好女朋友 其實我覺得幾好
因為你已經對佢有左責任 同一個人一生一世就係需要尼種感覺
行唔行到靠大家 如果你地肯體諒大家
我覺得冇咩問題 通常拍得越耐就會越唔想分
除非你男友好有問題 但唔係嘛
Feel好難培養番出尼喎 因為你連kiss都冇感覺
KISS未必係最有feel既時候 可能你覺得KISS又冇乜大不了
所以會係甘
其實我覺得你地應該再熟D了解多D同埋清楚明白自己係愛佢先一齊
以你甘講 我覺得你係對佢感覺唔大唔太愛所以會甘
愛唔愛尼D冇得逼自己既 試下拍耐D睇下 如果持續係甘
我諗可能你地會一齊都甘平淡 唔通你地既熱戀期得幾日= =?
其實都有戈可能性既.. 就係你地都有過深刻既經歷 已經對拍拖唔會太懷有好深既感覺 除非你好中意戈個人
你話唔好叫你分手 但我覺得你已經諗定左..如果唔係點解甘樣提法
仲有你地未必會結婚一齊 所以都要有心理準備要分手
其實拍拖之前就應該要諗下 分左手之後就會無朋友做 要打定尼D心理準備先得..
愛唔到就愛唔到 冇得逼既 試下一齊多幾個月
如果你真係發現自己冇乜feel 真係早D同你男朋友講
遲講仲衰

唔好逼自己太緊要, 因會弄巧成拙。

首先, 唔需要太強調個愛字。
你可以當和朋友一齊玩咁, 和佢相處下先。
久而久之, 會培養到感情出來。
你會開始發掘到佢更多野。

-開始發現佢都有D特質可以好吸引你。
-開始習慣和佢一齊玩一齊歡笑~無壓力似度假~
-開始和佢有好多共同興趣+話題。

慢慢就會愛上佢。

你個問題係短暫, 遲下冇咩野的了。
女仔對投入感情係較慢熱, 唔需要太懷疑呢個感覺。

過多半年左右如果你仍想思考同一個問題, 你才再分析和思考多次係咪真係唔work吧~

[一齊前果幾日真係好有feel]
諗返咩原因導致你好有feel.
[一星期先見一次]
個人認為可以多D見面/ 揀個時間去旅行.可能搵返D feel
好彩,你地既感情仲冷淡到可有可無既地步.
依加開始加把勁培養都未遲.
睇得出佢係你心中既理想男友/老公.