有關箍牙的問題

首先，每個牙醫既做法睇法都唔同。要剝牙，唔駛剝牙，係影響完成後效果。

如果依你咁講，１個牙醫話要剝１個話唔駛剝，即你係可以選擇剝或唔剝都可以箍齊。效果差距分別在於你認為自己個咀形，如果你而家都覺得自己個咀形ｏｋ，滿意無問題既，咁唔需要剝牙，只排齊咁已經足夠。但相反你係想改善咀形既，就需要剝牙，因為剝牙箍牙既效果出黎係好明顯，咀形亦可改善。

另外，我有ｄ懷疑你個Ｂ牙醫，因為以我所了解，剝牙後先決定做唔做到隱適美，假如做到，咁要等牙套返黎既時間太長喇。牙齒有空位的話，走位會比平時快，到你ｄ牙套真係返到黎，上箍戴牙套，有機會唔fit D牙，或你戴到都會比一般做法痛好多。除非，Ｂ牙醫中途係有治療幫你令牙齒唔走位，或其實佢有Ｄ咩方法啦。

以上都係我自己箍牙時既資料搜集同我既箍牙醫生提供俾我既資料。

希望幫到你，或你想知更多可以直接聯絡我。

係我既我會揀返A牙醫,
你第一個就搵A牙醫先,
應該係最想搵佢幫你箍架啦,
隱適美的確係貴少少,
不過講真佢效果真係好d,
我覺得箍完d牙跟你一世既,
寧願揀個好d既貴少少既整完無手尾,
同埋牙醫話可以唔剝我都盡量唔剝..
咁辛苦..真係貪剝牙好玩咩,
不過佢都只係目測姐,
你都要上去照埋x光先知實際要點

我同之前個朋友仔一樣,宜家都箍咗一年牙,等我SHARE下

的確我所知, 真係多數人箍牙都要MOK牙,因為好多箍牙都因為牙齒唔夠位生,令到牙齒會迫到不能整齊咁生長,不過我有朋友都唔洗MOK牙,主因相反係佢牙隙太大(即係牙疏)。

我聽我的醫生所講,如果已經出齊牙齒(唔計智慧齒),要MOK牙的話,多數會MOK雙數,前排6隻牙係唔會MOK,MOK的只會係6隻牙之後的左右兩邊,一對對咁MOK,不過當然有例外,以我來說,我上排就MOK咗兩隻,而下排理應係要MOK一隻,因為我自己本身下排係少咗一隻,即單數,如果MOK一隻可以BALANCE番,不過最後醫生同我商量決定唔MOK下排,原因其實我下排牙係夠位生,亦都算齊整,我個醫生想法係盡量唔好MOK咗好的牙, 但有個少少壞處,係我排牙會無咗個中線位(即上下排的中線位置唔對稱),但我接受,因為多年來都是這樣,醫生唔講起都唔覺得有問題。

其實如果醫生話唔洗MOK牙,有可能佢用另一個方法,係將你本身D牙車細,令到夠空間去箍牙(我估計)，你選擇用隱適美,的確係幾貴,聽講效果未必好,所以最後我用番鐵線果隻方法。

希望幫到你!

我本身自己都有箍牙

第1,每個牙醫佢地既身法都唔同,A牙醫話唔洗mok,可能佢係有特別既方法,又或者佢需要用更長既時間去箍你既牙,但照你咁講,佢未同你整牙模,先話你唔使mok,但話唔定你整左牙模後,佢先知確實要mok幾多隻,仲有,照x光係想搵你智慧齒會點樣生,如果智慧齒生得唔好,的確有需要可能mok多1-2隻牙。所以結論就係,你係A牙醫做既檢查都只係目測,不能作準。

第2,除非你係哨牙,如果唔係,基本上都要mok牙架啦,因為牙齒不整齊,最主要既原因就係牙槽位置唔夠,mok走多餘既牙齒,再箍番整齊,就先叫完成個療程。時間多數係2年-2年半,我都好少聽到人地話箍牙係唔使mok既,我自己都mok左5隻-_-"

所以結論就係,你係A牙醫做既檢查都只係目測,不能作準。而係B牙醫,做既檢查較全面,兩者差距大都好正常。不過我諗,就算你搵第3個,第4個,第5個牙醫,箍牙既都應該要mok架啦!!

以上係個人經驗,希望幫到你啦^_^