租金回報趨升 不利樓價

呢個情況同債卷相似.
假設間屋值100萬,年收租5萬,即係有5%回報.
回報升1%,至年回報有6%,而租金不變,同樣係5萬,咁100萬既樓可能只得番83萬.

即係價跌息升.

2013-07-31 15:03:03 補充：
注意,係租金回報(率),唔係租金.

從投資角度,有2個選擇,可以買入資產並且出售已得到利潤(即係炒),亦可以用"以息養息"既方法去進行長線投資,所以回報率高而價跌,都係除笨有精.

一般投資者,由買入資產果下,就希望佢一路升,相反,賣左既時候就想佢一路跌.其實係一個錯誤觀念,今次呢個情況係屬於一個買賣教材,可以睇下人地係點買野(同時亦睇下誠哥又點賣野).

2013-08-01 10:51:48 補充：
"所以並非租金回報謅升不利樓價" , "而係樓價下跌而租金回報相對上升?"
個邏輯並唔係因為前者錯,而攪到後者就變成係岩,而係前後兩者都係獨立去睇,可以係2個岩,2個都錯,或1個岩1個錯,當中並非金科玉律,只係一個現象既解釋.

其實所謂不利樓價既原因可以好多,其中一樣先係回報問題,以內文所言既2.9%回報,放落房地產收益係少得可憐,一般係要有7-15%回報,不過問題就係,其他較安全既投資產品回報更低,形成2.9%已經相對上係唔錯.

2013-08-01 10:51:54 補充：
當美債,銀行存款等息率上升,房地產回報就相對拖低,直至價格下跌至回報吸引.而美債息在預期上升的情況下,房地產的投資回報是會同步提升,條件極有可能是樓價下跌.

目前較多意見會認為,將會出現一個經濟差,通脹升的滯脹局面,就是內文所講既投資價值所在.

2013-08-01 10:56:06 補充：
果段野主要係講,買收租股沽地產股,理由就係因為價跌息升,咁我自己睇完係冇意見,我只係試下解釋佢想講咩,而佢或者我講既野係岩唔岩,實際上係唔重要,最重要係睇得通個資金流向,環境既大方向.