點先算係放低一個人?

小女中四, 女

對一個男仔有好感, 都5年有多
6年中學生涯都冇可能同佢同班.

以前同佢算係無所不談既好友
f.1 因為某d幼稚既謠言, 而且唔同班接觸機會好少
所以開始逃避對方 幾年冇講過野

f.2個陣我成日都諗住佢..
見到佢又會面紅心跳, 成個人不知所措
聽到某d歌又會覺得好有同感, 甚至喊到收唔到聲
知佢成績好好個陣. 又會驚自己襯唔起佢
所以狂溫書, 全級名次都由 9x/180上到30/180

但係因為對自己冇信心.
覺得自己條件唔好, 又唔係靚..所以一直都係暗戀.

f.3 開始, 見到佢個陣心跳冇加速得咁嚴重.但都係緊張 (對比起f.2)
而且聽到d歌..都唔會再咁傷心. 只係會聽到入神, 同有d down
但係仲係會幻想自己可以同佢一齊 / 自己同佢表白 (現實中冇咩可能...)
同埋經過佢課室都會好自然咁望佢...

但好似覺得中意佢既呢種感情.. 好似開始慢慢變淡
其實我下年分班之後(我校 f1同f4會分班). 有d fd會同佢同班
我就諗緊我都可能同佢仲有少少希望發展...

而且除左佢之外 我對其他既男仔冇咩興趣, 剩係當好朋友
甚至有其他男仔追我個陣, 我第一時間都係會諗起佢...
所以我覺得自己好似好難再中意第2個 ...

其實我都唔想自己對佢既感覺變淡...
因為某種意義上佢係我既動力, 同埋佢真係個好男仔

或者我自己真係好矛盾 ... 覺得自己諗得有d複雜

有冇人經歷過呢種感覺? 可唔可以開解一下?