男人以為自己係神/ 上帝

你所講喜歡干涉別人,樣樣自己同人出主意,啱唔啱都要佢話晒事的人,係一種自大獨裁的性格,呢種性格並非男人至有,女人一樣會有的!
通常呢類人係對權力有好大的慾望,只要佢有機會就一定要爭取發表意見,不論對或錯,亦要爭取別人順從佢的意見,就當自己係神一樣!

因為呢類人喜歡爭話事權,所以容易同人發生爭執,好難同人相處,朋友為避免爭辯都懶得指正佢,就變得更加自以為是了!
既然同佢咁高咁大的人唔會指出佢錯誤,而權力高過佢的更加不會任佢指啦! 所以佢只能夠控制比佢權力低的人,如果你有這樣性格的老板,老師,老豆,老母,咁都好難有辦法逃出佢魔掌咯!

如果無辦法逃避,就盡量避免正面同佢衝撞,表面一於佢話點就點啦!
雖然表面順從,但自己一定要作出正確的判斷,是正確的就做,錯誤的就不照佢做了!
我估你講的可能是你的家長,所以無辦法唔聽佢講,又無辦法避開,有時做人就要隨機應變,唔可以死牛一便頸,咁咪少d正面衝突了!

2013-07-30 13:49:38 補充：
係喎,除左要受獨裁的老細,老爸,老媽,點到失魂之外,如果你老公或者老婆性格係專制獨裁的,咁你都幾可憐呀!

並唔係任何年紀嘅男人都係咁, 你講嗰種男人, 應該係佢自己本身各方面條件都很差勁, 有得揀嘅話, 避之則吉吧, 長遠接觸哩類人, 有害.

2013-07-27 17:54:41 補充：
要睇佢同你咩關係
一齊住嘅家人就避無可避.
同事: 工事以外, 盡量避免接觸聯絡, 你要表現表面和氣但內裡冷漠, 工事以外話題求其敷衍/當聽唔到/唔回應.
朋友: 斷絕來往, 斷絕任何聯絡, 即使對方主動, 你都視而不見, 聽而不聞.
同學: 表面客氣, 保持冷淡微笑, 學業話題以外唔講, 一講即借故走開, 扮忙溫習忙做功課.

男人以為自己係神/ 上帝個別獨立事件啫, 一樣米養百樣人, 不能一錘定生死, 一概而論, 無執著無偏見才可以看見還有<真>的男人.