升中四入了A班.......

明白分班會轉晒d同學 始終f.1-3 都係對住同一班同學3年 大家有感情 有晒上堂既習慣 習慣晒班既氣氛 宜家新人事或會有新作風 又未知同學既相處係點 讀書氣氛又係點 種種既未知數 都會令人有份擔憂~

好欣賞你對學習既態度 你都係d希望學習讀書係真係會學到野
好多學生都會想入到大學 可能學校幫學生入大學既手法你未必認同 不過都係多左個時間俾學生學多d野
其實你都可以keep住自己既態度 :) 同時你都可以諗下自己將來既前路 究竟你自己會唔會都想繼續讀上去 而你都要諗返 究竟點樣讀書學習 先可以幫你完成到你自己所想:)

響呢個社會生活係好現實的 教育制度你未必認同 不過都要知道點樣響呢個限制下可以完成到自己既目標 :)

同學仔方面 其實大家有3年時間相處 都相信會熟絡的~或者需要d時間 不過可以慢慢建立關係 :) 入到去可能會有d新同學係傾得埋or frd到既人 可以慢慢發掘下唔同同學既性格ah :) 岩玩自己會聚到埋一齊的~

加油!!

我知道讀書有好多的壓力，但你可以做運動去將壓力發泄出來，你仲可以主動相約d同學一齊做運動，同佢地加深認識，了解多d佢地。

其實唔洗咁擔心既,我係FORM 3個年都入左精英班,果陣都擔心無朋友同學校生活悶死,讀讀下就發現其實佢地一樣好friendly好nice,最緊要係你主動D,傾下傾下就會熟,大家都係年青人會有岩既話題
係讀書方面,學習既氣氛好好多架,見人溫你就會睇下本書架啦
入到A班姐係你有能力啦,反正HEA讀同努力讀都要讀埋依幾年架啦,辛苦埋依幾年,遲D就唔洗擔心出路啦

那你要好好努力了.................

其實讀書只要盡力便可以，至於朋友方面可以主動和他們聊天，投其所好

你可嘗試多d融入你班新同學,多d同佢地玩,唔好怕醜,你自然可以認識到新朋友。另外,讀書一定有壓力,嘗試將壓力化為動力,認真d續書,書本的內容記熟曬,自然就唔覺難啦。其實學校只是想你們入讀大學,有一個好將來而已。

讀書係一定有壓力的
你無通過呢D過程成績一定唔會好