[JUPAS]後悔沒有聆聽內心的聲音

雖然你今次既成績 可能未達到屋企人既期望 令到你失望 不過我都想同你講 我好欣賞你既努力同為屋企著想 最欣賞係你既勇氣可以承認自己努力係為左滿足屋企人既期望 唔係個個子女都講得出呢番說話

知道宜家未放榜 都會好擔心自己唔知派到咩offer 如果唔係A1 會可能令家人再失望 令到你宜家好大壓力


我都建議返你可能準備好個a2 interview 先 :) 可以問下d朋友有冇人in過/問下果到d師兄師姐 睇下in d咩 有定個心理準備!

另外 其實你有冇同屋企人講過你搏a1既問題? 無可否認屋企人係會想自己既小朋友出人頭地 不過可能個期望未必係子女諗得咁高 你有冇了解過佢地係咪真係想你讀law? 會唔會讀物理治療其實佢地已經好開心? :)

有陣時我地都要睇返屋企欴真正既期望係咪真係好似我地諗咁樣:) 如果唔係既話 其實我地都會無形咁俾左壓力自己:)


最後 其實你自己都有察覺到一直以黎都好少聆聽自己既心聲 其實呢樣野唔係人人做到 唔係個個都可以睇到自己想要咩 既然你有呢個sense 就可以今日開始 慢慢認識自己 搵下自己係一個點既人 想要一個咩生活
有d人好早就會搵到 有d人搵一世都未搵到
所以你都唔駛咁擔心你起步太遲 因為人既理想同埋人想要既野都會隨住唔同既時間而轉變　：）

加油呀！如果你想搵人傾都可以搵我的～
[email protected] :)

我feel到你而家好失望,見到你而已家面對緊dse個result 同屋企人的壓力,唔知點面對家人,其實你成績已經算好,甘不如你試下唔好比甘大壓力自己,同埋試吓同屋企人去商量,了解吓佢地有咩感受,我相信你可以做到架,加油呀！

如果你想搵人傾都可以搵夜貓online架, 網址係：nitecat.bgca.org.hk