其實都唔係最近的事黎,
但我發現呢個"病"己經越黎越影響到我日常生活
所以我覺得係時候要解決..
係咁既
我發現最近呢一年
自己睇書時經常會出現數字數既習慣
起初呢個問題影響唔大
只係我每次睇書果時
都要將每一句句子細細聲讀出黎先落到下一句
當時覺得問題唔大就冇點去留意
到後來(而家),我睇親任何有文字既野(睇書,報紙,上討論區)
都會不斷重覆去數字數
有時會一隻字一隻字咁
重複睇同一個地方
再將果句野重複讀好多次先俾自己睇下一句
搞到我睇一頁小說可以睇成十分鐘
我實在唔明點解我要咁做
但係唔咁做就會覺得好唔舒服
我真係好想改走我呢個習慣
但係我發現當我越抗拒自己咁做果時
我潛意識就越要迫自己咁做
我咁諗反而有反效果....
我近呢幾個月都己經懷疑自己係有某程度上既強迫症
但就唔知要點做
當我近日上網搵有關資料時
就發現當中有大部分對此病既描述,同我呢家既情況出奇既脗合:
平均發病年齡為17周歲(中左)
患者可以很理性的感覺到這種強迫行為及強迫觀念是沒有必要的，但又不能用自己的意志加以克服，有時還有可能發生自我反強迫 (事實我呢家就係咁)
長期沒有安全感，對某些方面的擔憂持續存在。強迫症患者過度關注某些方面，而在其他方面的關注度降低。這與長期緊張的家庭社會關係有一定關係(呢個某程度上都中)
關於強迫症患者既5種強迫觀念,中左4樣
強迫聯想：反覆聯想一系列不幸事件會發生，雖明知不可能，卻不能剋制，並激起情緒緊張和恐懼。
(經常將事情向壞方面去諗)
強迫回憶：反覆回憶曾經做過的無關緊要的事，雖明知無任何意義，卻不能剋制，非反覆回憶不可。
(將自己係網上同人講過既事都記住,包括一些冇關痛癢既事)
強迫疑慮：對自己的行動是否正確，產生不必要的疑慮，要反覆核實。如出門後疑慮門窗是否確實關好，反覆數次回去檢查。不然則感焦慮不安。
(成日都擔心自己係現實中/網上講過既野是否正確,就好似我打呢篇野都檢查左好多次)
強迫對立思維：兩種對立的詞句或概念反覆在腦中相繼出現，而感到苦惱和緊張，如想到「擁護」，立即出現「反對」；說到「好人」時即想到「壞蛋」等。
(見到呢項有D意想不到,我以為同強迫症無關,雖然唔知點解但我的而且確會咁諗)
反覆多次洗手或洗物件，心中總擺脫不了「感到髒」，明知己洗乾淨，卻不能自制而非洗不可
(其次最影響我的問題,每次沖涼都沖"好"耐,明知自己沖完但就唔俾自己走.....)
上面資料係維基百科搵既
http://zh.wikipedia.org/wiki/%E5%BC%BA%E8%BF%AB%E7%97%87)
佢同我既情況非常相似
http://www.wretch.cc/blog/askaryo825/2231243
我想問如果係唔睇醫生既情況下,自己解唔解決得到?
呢個病搞到我連書都唔敢掂
如果呢度有專業人士既話
真係希望可以俾D意見我
去幫我擺脫呢個"病"
感激不盡..
極度懷疑自己有"閱讀強迫症",求專業人士意見..
2013-07-24 6:46 am
回答 (5)
2013-07-24 7:06 am
✔ 最佳答案
你講緊既問題，可能真係同強迫症有關，就算唔係強迫症，都一定係某些心理障礙。最明顯的是，你有內在矛盾（inner conflict）的問題，內在意識（潛意識、感性部分）與表意識（理性部分）有著某程度上的衝突，並且困擾住你既生活，影響你既能力同表現。
內在矛盾係一個常見既問題，好多人都有，如果情況嚴重，例如伴隨住焦慮、缺乏自尊、自責等負面情況，有可能發展成較令人困擾的心理障礙──就正如閣下e家既情況咁。
1. 我想問如果係唔睇醫生既情況下,自己解唔解決得到?
Ans: 有機會, 有d個案, 當壓力得到舒緩, 自我形象得到改善, 係有機會自己好返既；不過, 如果你既情況已經持續左一個月或以上, 而且你又明顯受到困擾, 某程度上, 反映住你可能有需要向專業人士諮詢, 甚或接受協助。如果唔想睇醫生, 你也可以有好多選擇。事實上, 係香港, 你呢種情況, 如果唔係真係嚴重到忍無可忍, 都唔應該咁快考慮用醫生既藥物治療--因為, 心理治療才是關鍵之道, 而藥物很多時候只是輔導性質的(當然, 每個個案都係唔同既)。你可以考慮下搵社工啦, 或者找專業治療師, 接受催眠-心理治療；另外, 認知行為治療法, 都可能幫到你。
2. 真係希望可以俾D意見我 去幫我擺脫呢個"病"
Ans: 認真建議接受專業人士的諮詢和治療服務。另外, 當有強迫行為/思想時, 可以嘗試轉移自己既注意力; 日常生活中, 多做自己有興趣既野, 唔好畀咁大壓力自己, 平時多做運動, 做下漸進式肌肉放鬆訓練(progressive muscle relaxation exercise)。
------------------
1. 和你一起走進心靈深處，療癒傷痛（Heal Your Mind, Go Inside）
http://www.facebook.com/chinhk2012.hk
呢個facebook page, 講左好多關於內在意識、內在矛盾、內心衝突等問題, 同時分享催眠及心理治療的資訊, 你可以參考下。
2. Andy - 催眠及心理治療服務（香港）
http://www.wretch.cc/blog/chinhk2012
呢個網，介紹一個香港既私人催眠及心理治療服務，收費算係遠低於市價。
3. 社會福利署- 精神健康綜合社區中心
http://www.swd.gov.hk/tc/index/site_pubsvc/page_rehab/sub_listofserv/id_iccmw/
呢個係社署既服務，每個區都有架
來源：在港私人執業美國註冊催眠治療師，同時關注大眾精神健康問題
2013-07-23 23:08:10 補充：
**藥物很多時候只是輔助性質的**
上面打錯字
參考: 誠邀大家一下支持：香港精神健康平台 http://www.facebook.com/hkmhp
2013-07-31 1:15 pm
強迫症是焦慮症的一種, 症狀主要有二: 1) 重複而不自控的強迫思想 及 2) 重複而難以自制的強迫行為。 強迫思想可單一出現, 而強迫行為通常是因應強迫思想而表現出來。
很多患強迫症的人士會對於自己重複而未必有意義的行為不明所以, 其實背後原因多數源於一些焦慮的思想。 透過認知行為治療, 患者會對於自己的強迫思想和行為有更深入的了解, 並學習逐步減少和控制強迫思想和行為, 以及糾正一些令自己困擾的焦慮想法, 從而治療強迫症。
單看網上有關精神疾患的資料, 很多人會對號入座。 任何診斷必須要詳細的評估, 故難以從閣下所描述的症狀斷定是否患有強迫症。但明顯閣下的重複和似乎難以受控的行為令你非常困擾, 如情況持續或影響你的生活(如學習、睡眠等), 建議盡快尋求專業協助。
如想多了解心理學資訊或尋求咨詢, 請見以下網誌:
http://blog.yahoo.com/WellnessPsyServices/articles
很多患強迫症的人士會對於自己重複而未必有意義的行為不明所以, 其實背後原因多數源於一些焦慮的思想。 透過認知行為治療, 患者會對於自己的強迫思想和行為有更深入的了解, 並學習逐步減少和控制強迫思想和行為, 以及糾正一些令自己困擾的焦慮想法, 從而治療強迫症。
單看網上有關精神疾患的資料, 很多人會對號入座。 任何診斷必須要詳細的評估, 故難以從閣下所描述的症狀斷定是否患有強迫症。但明顯閣下的重複和似乎難以受控的行為令你非常困擾, 如情況持續或影響你的生活(如學習、睡眠等), 建議盡快尋求專業協助。
如想多了解心理學資訊或尋求咨詢, 請見以下網誌:
http://blog.yahoo.com/WellnessPsyServices/articles
參考: 本人為臨床心理學家
2013-07-25 7:53 am
你好啊~我見到你好擔心e個習慣會影響你既生活
件事係咪令你好憂心啊?
我明白你會想早一點處理掉這個習慣
但我認為時間是需要，急不來
我地客觀d睇，不斷重覆閱讀係一個生活習慣，未必能說這是一種病，
清潔我們每天都會做，好似沖涼咁啦。
而且我們又不是醫生，唔可以咁快就話係一種病呢
咁啦，如果你有興趣想傾多D既可以add我skype/ facebook : [email protected] 歡迎你來同我地傾計嫁~~~
件事係咪令你好憂心啊?
我明白你會想早一點處理掉這個習慣
但我認為時間是需要，急不來
我地客觀d睇，不斷重覆閱讀係一個生活習慣，未必能說這是一種病，
清潔我們每天都會做，好似沖涼咁啦。
而且我們又不是醫生，唔可以咁快就話係一種病呢
咁啦，如果你有興趣想傾多D既可以add我skype/ facebook : [email protected] 歡迎你來同我地傾計嫁~~~
2013-07-25 12:15 am
朋友你好，我同你既情況都好相似，我都係最近覺得愈來愈嚴重，雖然唔係睇書有問題而係其他地方出事，但係年齡、症狀都好似....
我好想同你分享下呀，不過我唔係好清楚自己既情況，要先觀察同回憶一下
點都好啦，好多謝你呢個發問令我正視我既問題，祝你早日康復^.^
2013-07-31 17:02:40 補充：
我既情況好左好多喇。靠既係明白不完美本來就係自然既，好多野都係好無奈既、人力無法干預、無需執著既。
舉個例:
有次我去toilet唔小心射左d尿係馬桶邊度，唔知有無彈到附近既地方。然後我就好緊張，覺得應該要清潔可能受到影響既地方。唔舒服左幾個鍾之後，睇到呢個發問同埋wiki入面既森田療法，將"自然"既諗法套用係呢件事度，就諗到:人去toilet去得多本來就實會整污糟toilet，toilet本來就被定期清潔，toilet既污糟程度本來就不停循環緊(乾淨- 隨時間過去而污糟- 洗完又乾淨番)。所以我毋須為本來就應該發生既事而多此一舉。
2013-07-31 18:14:44 補充：
念頭來了，不起煩惱，不跟它走也不排斥它。這是我從法鼓山的法師處聽來的，和森田療法的理論很像。
其實佛教對人既心理有好深刻既認識同分析，而且有d概念(如無常)可能會對你有幫助，你可以了解一下。
另外，根據《正確的讀書方法及考試密技》，睇書既時候對內容既理解應該係成句成句睇，「我們的頭腦會將看在眼裡的文章，通通先記起來（當然是不論有沒有看清楚），接著分散式的挑幾個字或符號，組成圖形架構後和記憶庫的資料比對，再猜其中的意義。若我們一邊看一邊想要立刻瞭解內容，那將會干擾圖形架構的組成以及資料比對過程，使得看文章的速度變得極為緩慢。」﹙鄭育能教授著，第二章第三段﹞
2013-07-31 18:21:05 補充：
http://book.bfnn.org/books2/1739.htm ----- 《正確的讀書方法及考試密技》
念頭來了，不起煩惱，不跟它走也不排斥它。這是我從法鼓山的法師處聽來的，和森田療法的理論很像。 ---- 就是不理它唄
我好想同你分享下呀，不過我唔係好清楚自己既情況，要先觀察同回憶一下
點都好啦，好多謝你呢個發問令我正視我既問題，祝你早日康復^.^
2013-07-31 17:02:40 補充：
我既情況好左好多喇。靠既係明白不完美本來就係自然既，好多野都係好無奈既、人力無法干預、無需執著既。
舉個例:
有次我去toilet唔小心射左d尿係馬桶邊度，唔知有無彈到附近既地方。然後我就好緊張，覺得應該要清潔可能受到影響既地方。唔舒服左幾個鍾之後，睇到呢個發問同埋wiki入面既森田療法，將"自然"既諗法套用係呢件事度，就諗到:人去toilet去得多本來就實會整污糟toilet，toilet本來就被定期清潔，toilet既污糟程度本來就不停循環緊(乾淨- 隨時間過去而污糟- 洗完又乾淨番)。所以我毋須為本來就應該發生既事而多此一舉。
2013-07-31 18:14:44 補充：
念頭來了，不起煩惱，不跟它走也不排斥它。這是我從法鼓山的法師處聽來的，和森田療法的理論很像。
其實佛教對人既心理有好深刻既認識同分析，而且有d概念(如無常)可能會對你有幫助，你可以了解一下。
另外，根據《正確的讀書方法及考試密技》，睇書既時候對內容既理解應該係成句成句睇，「我們的頭腦會將看在眼裡的文章，通通先記起來（當然是不論有沒有看清楚），接著分散式的挑幾個字或符號，組成圖形架構後和記憶庫的資料比對，再猜其中的意義。若我們一邊看一邊想要立刻瞭解內容，那將會干擾圖形架構的組成以及資料比對過程，使得看文章的速度變得極為緩慢。」﹙鄭育能教授著，第二章第三段﹞
2013-07-31 18:21:05 補充：
http://book.bfnn.org/books2/1739.htm ----- 《正確的讀書方法及考試密技》
念頭來了，不起煩惱，不跟它走也不排斥它。這是我從法鼓山的法師處聽來的，和森田療法的理論很像。 ---- 就是不理它唄
2013-07-24 5:46 pm
放心啦，好多人都係咁架，你就話要讀出聲，有人就要用筆間低讀咗嘅字句，唔間係讀唔到，有人仲要用螢光筆，一本黑白書睇完會變成七彩都有架。你讀出聲都有好處，你可以確保你冇睇錯字，你讀俾自己聽仲可以加深記憶，人腦記憶力分為短暫記憶，淺層記憶同深層記憶，你愈讀得多次就記得愈深，學生哥都應該咁做。
收錄日期: 2021-04-13 19:35:07
原文連結 [永久失效]:
https://hk.answers.yahoo.com/question/index?qid=20130723000051KK00332