關於新手養貓的問題（１０點）

1. 會唔會打交好睇佢地2隻既性格, 以我經驗(我同時養家貓同西施狗的), 我隻貓就唔係好鐘意隻狗, 成日隻狗行埋去隻貓就跳高, 有時候隻貓又衰到去挑釁隻狗(冇拉拉走埋去cum佢一巴就跳走), 我隻狗就係到吠。不過多數都係玩玩下, 冇惡意。我係youtube成日睇一隻貓叫ohagi, 佢由細到大都同狗一齊生活, 而家大左仲會同狗一齊食野。不過當然有d貓天生就唔鐘意狗, 所以你2隻野都要相處落先知。
一般就小貓由細就同狗生活既話情況會好d, 成貓始終"見識過世面", 其他生物都會排斥, 何況係狗。

2. 真係打交首先就係要教佢地打交係唔岩。邊方撩交打先就對果方作出警告同懲罰。再唔得就唯有分開養, 直到佢地接受對方。

3. 貓公多數會往外跑霸地盤, 貓女又會發情出去搵貓公, 所以都係未知之數。有d貓好外向, 唔出街唔得, 有d就好痴家(我隻貓連走出大廈走廊都唔敢) 但畢竟你屋企有野食比佢食, 同埋由細就係到生長, 一般黎講佢有足夠智慧番屋企既。

4. 純d乖d通常會話"純種貓"會純d(比如波斯貓, 唔聽話冇人照顧就唔得), 你養狗都知道動物係要教, 邊d做得邊d唔做得。狗都唔係靜d就乖d拉, 吠到大大聲都可以好聰明好聽話, 而且貓多數都好靜= =你可以上youtube睇下不同既住家貓, 究竟你鐘意成日郁動跑來跑去既貓(比如ohagi - makomako)定係肥獅大隻又靜既貓(maru)。

寵物店既話最緊要揀d有信心既寵物店, 不過寵物店多數都係貴價貓, 我建議你去收養機構揀家貓好過。最緊要係你要去睇多2次隻貓先好買, 一來睇下同隻貓夾唔夾, 二來觀察下間店會唔會有病貓病狗出售影響質素。近日就有幾單新聞話有無良商人把d狗仔打興奮劑, 你去睇佢果陣就生生猛猛, 番到屋企先發現又呵又嘔有狗瘟。去spca呢d地方就有保證又安全。

個人經驗: 貓好睇由細跟邊個大, 我隻貓跟我, 對我又舔又錫, 仲會提我起身, 做錯野我一叫no!佢就咪起對眼縮到細細舊, 相反我呀媽呀爸摸佢佢就fee fee聲弓哂腰, 嚇佢既話仲會攻擊人, 咁你覺得我隻貓算乖定唔乖@_@?

多數唔會打架,貓仔發惡狗通常走頭.
狗較熱情會走近新貓,發惡都唔閃就抱起隻貓,BB貓快的話一個禮拜就熟就會一齊玩.(大貓難講)
貓成日睇風景應該會,就會要開既窗前面整鐵絲網或唔開窗.
波斯貓會靜D乖D,腳短身肥胖,寵物城D貓唔錯,差不多全部歐洲入口.

我頭兩條答5到你，應該就係要留只貓係個籠等隻狗適應....
唔好開窗因為佢會好奇跳出去，貓其實好易養。大多既貓買返來已經識去廁所。我果隻係英國短毛貓，好乖好純，但細膽D...