與水瓶男和平分手

首先介紹一下我自己先：我係日天蠍座月獅子上升天枰

故事可能有點兒長，希望對水瓶男星座比較了解嘅朋友幫幫忙，因為件事很困擾我，真心感謝：

我網上遊戲識佐個瓶男真係唔好彩，可能受佐上升天枰影響我好鐘意交朋友無論男女都可以好快熱大家好容易就成為朋友。但我, 矛盾又在於骨子裡係天蠍又比較內向神秘但又有影子又有獅女嗰種傻大姐性格搞笑，唔知係咪咁嘅原因吸引到瓶男嘅佢注意。至於相識係因為大家共同朋友一齊聚埋閒談相識嘅，開頭我對他不太有感覺亦無主動挑逗佢。我從末有過水瓶男友亦好少分析呢個星座性格，對於瓶男大約印象係比較花心。早把瓶男被列為拒來戶。但有次佢主動幫我後我覺得佢不錯自己唔知發乜姣問佐佢攞whatsapp，我地互相交換佐咁就開始佐私聊啦。可能大家對自己樣貌有信心又同時係自戀類別原因吧。所以大家都用佐自己相做頭像。佢係真得生好靚仔，我份人又直腸直肚有個句講個句又鐘意玩。就咁出事喇！!很無奈。

我話：你好靚仔呀，可以同你做朋友真係好開心（真心），I like U俾我做你Fans（本想用嚟純粹tum下佢開心）。你身邊一定好多女朋友（講笑）同時又帶點愛慕之意。

佢：好直接話係，跟住話仲有試過有d瘋狂女仔追佢。（我心諗條友應該自戀成癮到佐冇得救地步）

我大腦即時發出要停止幻想訊息。

但佢無啦啦話鐘意我。又引用佐我嗰句I like U跟住仲癲到玩I love U。（心裡很明白今次真係仆街喇）又受佐上升天枰影響唔識拒絕人又驚傷害佐佢。跟住就好無奈咁開始佐所謂嘅曖昧啦（佢話自己冇女朋友）。在私聊間我冇乜點理佢好少主動HI佢如果無聊偶而都會。至於佢每日訓醒一定會第一時間早晨我。又事冇大小都會同我交代，比如佢準備出門口、食飯、沖涼幾耐時間，朋友到佢家玩大約幾多個鐘完。乜都會講。連佢電話個對象係老豆都會講。我又根本唔會理。亦很少同佢交代其他。朋友、屋企人打嚟只會講電話入唔傾住，不交代。我做野時間完全唔會理佢。在遊戲唔多唔少都有玄機睇到個人性格係點，玩佐冇耐觀察（得來：水瓶男真係好自私，只剩玩自己鐘意其他一於少理好似每次都係我主動陪佢在於玩其實真係冇所謂，玩遊戲就係殺時間。但佢一玩就玩上5•6個鐘。我雖有時間陪佢，但大佬人黎架都會攰掛。玩佐二個星期開始覺得很無聊。就有意避開佢。但又驚佢嬲。遊戲中佢只會傾佢自己想傾嘅話題，其餘我問唔想答嘅佢完全可以當睇唔到。唔出聲。咩人黎架？！當佢朋友同佢打招呼佢會很熱情。佢會當我冇到男女亦是。我在一旁禮貌上都會簡單同佢朋友Say HI，至於我自己朋友男性行近我打招呼或者對我做熱情表情時佢就做不悅表情隔住我同朋友間。由於佢高等級d人有部份都怕佐佢。我只有啞忍其實好嬲。甚至想即刻唔玩隻game。怕佐佢。但諗深一層咁又無理由為佐佢唔玩離開我其他朋友。跟住我就開始上網睇一大堆分手冇手尾跟完全離開水瓶男救生技巧。但資料好好少少。一般都講到好得人驚。分手後佢哋會報復人。

今日終於確認：佢哋真係有機會咁做。

話說今日我如常陪佢練功，佢冇啦啦公頻大家傾計間，佢搭嗲話某玩家不切實際。我又好奇同佢傾起上嚟。

簡單說明一下：
（呢隻遊戲分兩組冇自動關戰鬥系統，互相可以即時戰鬥。）
*簡單d嚟講只要你高等有針對目標就可以隨時不停打死你仇人。

結果得知：原來某玩家係佢前女友，佢之前同個女仔在另一邊一齊玩嘅而且仲玩佐唔短日子，佢聲稱因為呢個女不切實際同從來唔會同佢講對唔住。（實際情況我冇再深入問）佢覺得大家唔夾跟住分開佐。為佐避呢個女仔自己過佐嚟我哋呢組玩。佢一直練功目的想高級後針對個女嘅嚟打。後來個女嘅又跟佐佢過嚟我哋呢組。真係好癲。好明顯個女嘅好鐘意佢。但佢坦白同我講之後我話我離開，同叫佢同返個女仔。佢就好快咁答永遠都唔會。又係咁有意冇意講我愛你之類。（有冇人可以快d將呢位瓶男搬走，我就真係無福消受）
佢仲好高調同佢所有朋友講我係佢女友。唔知佢係咪想用我嚟激佢EX定有其他原因。佢坦白同我講，反而我會想走更快。我心諗大好機會：（係時候閃人）跟住我有意冇意間叫佢同返呢個女仔一齊。大約三四次左右。「1•我冇心遊戲搵男朋友2•我不做後備胎3•我不做第三者」因為我一直都當大家網絡朋友。又習慣一人無聊殺時玩。當我無聊時間可以陪到佢玩我絕對冇所謂。但係又咁啱次次都可以陪到佢咁解。

希望高人指點我應該點様可以用神隱離開而且又唔會令佢憎埋我，很困擾，多謝指點。可以的話詳細話我知我可以點做？麻煩曬解答。