我D屋企人偷左我D錢,,點算好??

到左手既錢無甘容易吐出黎，當買次教訓！

你如果打算住落去，立即買個密碼箱，最好系鐵既，多數百幾蚊，密碼必須要難！唔系到時被人改密碼就幣！

唔好買二十幾蚊既鎖，好易被人爆（用萬字夾就超容易爆到！我系學校幫同學爆鎖解救被困既教科書經驗之談），櫃桶d鎖都好易開架！所以呢種情況，用密碼比較好。

將個盒放系隱蔽地方，我唔知你有無自己地方啦，如果有就容易好多，無既，就搵野掩飾，最好系你d家人最唔中意或者無興趣既野，平常要用既錢就放系某件衫既袋到，或者銀包，要有足夠既錢，令你最多一個月去開盒一次（一個月點都有次全世界唔系度掛？）

跟住拒地搵唔到你d錢，就會開始懷疑你有問題，諸如此類
就抱怨自己借錢比兄弟，兄弟到宜家都未還，喊窮！我相信你驚d錢唔見，多過唔想比人鬧，當拒發瘋自言自語羅，拒哋都唔好明面同你講啦

anyway，我唔知你重系唔系學生，或者工作有無比家用
但你d家人唔出聲就甘真系好衰，雖然你唔可以買cam照拒哋，但你可以壓幾條頭髮系某d你唔想比人掂既地方，反黎你就知有無人掂過（我估拒地無甘醒掛……記得確保條頭髮只會因開關而掉落，不然怪錯人就唔好）

搵適當時候溝通，記得望實對方隻眼，如果拒地拒絕溝通，你就等等等啦，要正視問題ar！平日就減低自己存在感……

記得，要智取，不要強攻，硬碰硬吵架是最蠢的，邊個唔冷靜就邊個輸先，而唔系睇邊個出口認輸！你記住你唔系要復仇，而系要保衛自己權益同時取得最大利益，所以問心無愧就得，唔好擺其他無謂時間系拒地身上。

:P

到銀行開個銀行戶口，把錢存在銀行。

肯定錢係失踪? 如果之前有鎖, 都打開過, 偷過你嘢, 你就要換鎖, 鎖匙諗計收好啲, 如果偷錢人唔認, 你都冇計, 唯有當買教訓, 去開個銀行戶口, 本身有冇? 冇就開個, 有冇住址証明? 電話單嗰啲, 就算一兩佰都可以用食錢機入錢落戶口, 以後唔好再放錢喺屋企, 只留幾十呅跟身就算, 要用錢你就喺銀行提款機㩒錢/用百達通.

大家都係屋企人又點會報警呢,而且就算報警都冇用,因為錢係冇記認的,你不如扮晒之前唔知,大動作,大大聲地發脾氣,望着他們問:"點解我啲錢唔見晒,之前個袋又係咁,唔該果個人系三日內把錢放回原處,否則連家人都冇得做,啲錢係我辛苦苦留來買結他的".

如果佢地一齊返駡你,你就話"得,咁從今開始大家畫清界線,連自己人都偷自己人啲錢,一點人格都不要,我忍咗你地好多次,成日偷偷地開我櫃筒,你地咪以為我唔知,本以為一家人算數,但原來你地唔系咁想,算,小心你地遲早出事"

如果你平時都系忍唔出聲,突然發大脾氣佢地會好驚(正常人),就算佢地唔肯比反你,咁你以後就唔好放啲錢在櫃內,你要好明顯比佢地知到你唔鐘意,同特意在他們見前好嬲,嬲足幾日幾夜.

你去報警&打999啦!

2013-07-21 17:34:23 補充：
記著比15點數我!!

香港地係行假定無罪 上面既野全部都只係憶測
一係你偷偷買個cam裝係你個櫃附近 總之影到啦
拿 咁樣應該唔算侵犯私隱 不過法律野我麻麻地曉
而且比佢地發現左你死得仲慘
不過其實你根本咩都做唔到 就咁睇你係你屋企係食物鏈最低層
有晒證據都冇用 有咩事都係4個抽1個 吹咩?到時真係反面你個處境仲斃

再唔係 你搬走 咁就一勞永逸 雖然難聽講句係敗走
但離開左個問題後咪乜事都冇一天光晒 前題你要夠膽同有能力
同埋去到咁盡 想遲下飲茶大家仲有相見最好作個靚啲既理由
eg想自立/近返公司/有熟人介紹etc

如果做唔出呢 咁冇得揀 忍囉
反正好又一日唔好又一日 練厚面皮既就埋堆 唔得都唔好搞到敵對
總之將辦公室政治個套放番入屋企 個面具由朝帶到晚就ok
反正你都做唔到野 if you cant beat them,join them

最後 寧可信其有 不可信其無 如果你同你屋企人都冇講大話......
有時有d錢真係唔慳得 襯仲未出事 搵個大師搞搞去

ps若只針對錢個方面 唔好擺咁多cash係屋企 全部放係銀行咪得囉