[感情煩惱] 女人第3次不忠

可能他有另一個女人。

好男人 放手啦
人總會變 儘管你地以前幾好 佢依加已經唔係原本既佢
佢為左錢放棄所有野 話你太感情用事藉口尼架傻既...
我諗你自己都知。

真係冇辦法再一齊 佢依加太物質主義
除非你有錢過戈個人 就有機會 (不過傻啦為左尼D女人唔值得)
你浪費左時間係尼個人度
心痛 係必須既
因為甘先可以令你更加要帶眼識人 同珍惜真係對你好既人
要分清邊個真係好 邊個真係壞
本來打算話 如果佢中意過你 或者你可以改好佢
不過睇尼依加既情況建議你唔好甘做
唔係佢真係告你
不忠3次你都忍到....
一個字 放

即使一齊番又點?有第3次就有第4次,第5次...
難聽d講,何必咁犯賤要纏住佢,佢既人生佢自己負責!!
至於佢阿媽,多d安慰佢~

更垃圾嘅女人都唔洗恨啦，你要快分手過佢。
佢呢d垃圾比都無人要，要都係要佢身體。
一次不忠，百次不用。

他要下定決心，唔比自己要翻佢。
佢有事唔好幫佢，你幫佢就係害自己。

呢種女人要唔過，比我都唔要。

troy，你講個女仔，我岩岩想到我身邊的女性朋友有一個...，19歲，交左好多有錢仔(梗係黑社會D人唔靚仔好色男人)，自暴自棄，放棄繼續讀中四，鐘意打扮靚，出賣身體，唔怕人地話佢，佢只有想解悶發洩，話分手就要分手，話復合就復合，不過，佢根本唔知道真正的殘酷，敢愛敢恨，就好似冇見過壞人，咩野都想試下，我身為朋友，我好擔心佢有一日會出事，覺得好心痛，真既唔想佢喊，我有多次安慰佢，叫佢醒下，唔好再做下去，咁樣做會叫佢痛苦，叫佢唔敢面對眼前的人，有個真心的我睇住。其實以前的佢真係好的女仔，好聽話，但係有一日佢話佢男友(第一個交的有錢仔)一腳踏左兩條船，唔要佢，佢的心受了很大的傷害，最後咩都變哂，咩野都發痂，小事大事都係咁樣，連佢爸媽都好擔心佢。

你的心情我明既，佢17歲，需要男人的愛，要找一個非常好安全的感，唔怕再次會受傷，我真唔知你點樣對佢好，俾佢有咁樣的反應，或者你曾經有傷害過佢？我心想，佢而家變成咁樣，我想佢可能需要你陪住佢，當係...搵一個藉口安慰自己的心。明知你同佢沒有將來，起碼你有一個唔可以見死不救的人，不過我想你千萬唔好聽住你前度成日提佢男朋友，因為我見到佢一直好傷心，你想知佢都冇用。你同佢提提你最近的事吧，佢會關注你的，會因為你有一日改變自己，所以唔好提你地想複合，又唔好提佢男友同你將來交到女朋友，我想佢一定會問你有冇女朋友既。

建議你守住佢身邊，你前度媽媽非常需要你幫助，所以你唔好放棄，要保護佢，當係善意的男人，不是真正的男朋友，你明白嗎？唔係要你借錢俾佢又要你俾佢當你係玩具，錯既！我係要你繼續守護佢，保護佢，我唔理你有冇辦法，最緊要係佢健健康康，做個開心的人，俾佢媽媽交代一下，記住唔好俾佢出事，也唔好似貼紙一樣就睇住佢，佢會覺得好煩既，會同你講大話，知道嗎？

好啦，唔講住，以上我講野，希望可以幫到你啦!加油！

2013-07-19 19:15:36 補充：
竟然係咁，佢決定左唔准你煩佢同佢FD，我諗佢會大個仔，識自己睇住自已。佢做唔做正常人定廢人我都唔肯定，但係我知道佢而家17歲，思想未成熟嘛，等到20歲佢就會識明既。唔使擔心。

你煩佢，佢會厭倦你既。還是唔好煩住，因為我覺得時間係一個的問題，要等到佢需要你的時候，到時就睇下決定幫唔幫到佢囉！我諗...需要三年的時間。

還是多說一句，繼續守護佢吧，等待佢會有一日會變成番到以前的她，你就唔使擔心佢。

你的事，我覺得你好累了，有左石頭壓住你的心，呼吸困難，不如你嘗試一下，用勇氣的心，放下你的包袱，反省自己的時間，以後的事，慢慢來吧，給自己找一個舒服的地方，休息一下都唔錯喎！

明白2年幾感情 分左手 都唔想對方有D咩事 都想對方可以好好生活~ 你真係一個好重感情既人~

你宜家個心都好難受 前度變左另一個人 好似行緊入個深谷咁 好擔心佢愈行愈深 再出唔返黎 就算出返黎 都可以趺到損晒 擔心佢既前途佢既將來


明白你唔想見到呢個畫面發生...
相信你都鄧佢mami心痛埋...


不過 佢17歲人 管佢唔到的 佢同你一齊果陣 對你不忠咁多次 佢都未有反省 證明佢仲未成熟 亦未覺得自己有問題 你曾經有俾機會佢 但睇黎未足以令佢醒覺...

你宜家可以做既 首先係support佢mami
因為佢mami宜家係佢最親既人
我相信你前度都未必會同你聯絡~
而佢mami就係宜家最有能力幫到佢既人 (雖然實際上都未必做到d咩)
響佢身邊慢慢勸導佢 唔好俾佢犯下大錯之外... 都無咩可以做...
希望佢會知道佢身邊係有真真正正錫佢關心佢既人


呢條路唔易行 亦都會好漫長
加油

朋友我明白你既感受，
佢咁做簡直係粉碎緊你個心，
但係你一定要撐落去，你仲有你既人生。

講真，佢絕就已經證明佢唔再愛你，
無論佢比乜理由你講分手，分得手既，
就已經唔係愛你，愛你又點會捨得你難過。

我地活係現實，就要清醒啲。

我係女人，我知佢用咩心態黎同你講佢自己既野，
佢覺得你比唔上其他人咁有錢，
林林總總你冇既野佢覺得係第二個身上搵到好多，
可以講係佢對你唔滿意。

人係咁架啦，身在福中不知福。

點都好，呢個係佢既選擇，
你都奈佢唔何。

人係會變，好明顯地，你女朋友變壞緊。
你唔想佢誤入岐途，他想救佢既話，
真係好難，連佢媽媽都管唔到。

不過我覺得，你宜家先唔好理任何人，
你要搞掂好你自己既野先。

既然佢宜家對你咁絕，甚至都唔把你放在眼內，
你唔需要再苦苦追問佢啲咩，
唔好諗住可以重黎。
你諗下，佢宜家咁差，同之前你識佢既時候已經唔一樣，
佢配得起你咩？你係好中意佢啊，
但係佢唔中意你，甚至會覺得你既愛係佢既煩擾。

你宜家盡可能可以做既，就只有沉默以對。
因為仲有咩好講？佢唔接受你兩年對佢既好，
反而覺得人地買既野比佢先係最重要，
你就更加唔好盲目對佢好。

佢係需要啲領悟，
佢媽媽肯同你講，真係好好，
天下父母心，
你想幫佢就更加唔好護住佢，
佢需要既根本就係佢自己跌一次落地，
先知痛係咩。

當然，如果佢比人呃上床個啲，
就算唔係佢情人，係佢朋友係個路人，
你都要挺身而出去救人啦。

你自問你自己係個咩人？？
你係咩人就用你自己既方式去處理呢個問題。
唔需要迷惘，呢個女人你唔愛得。
除非佢變好，佢先有資格比你去愛。
記住，唔係對方選擇你，係你去選擇人。

你要同佢媽媽保持聯絡，
如果你係想救佢既話。
先唔好理你要繼續同佢拍拖點點點，
最緊要既應該係唔好比佢行錯路。

用口講，女仔未必聽，
試下用紙寫底你既想法，
情情愛愛少寫啲，寫大家都唔想佢變壞，
寫要佢自己小心，警惕下佢。

感情係最難處理既事，
唔好咁執著於一個人身上，
你去救佢，但係唔好忘記你都要愛愛自己。

唔好去見佢啦，減少啲見面，
或者個女既就會知道佢自己最需要既係咩。
如果佢黎搵你，你要有啲冷感得黎唔希望佢變壞，
好難咁，但係我整係知，你對佢好，對佢熱情，
佢都唔會再領情，
因為，佢已經踏左半隻腳入去，
最緊要既一樣野係，你要有絕對既冷靜，
放低啲，唔好太緊張，
慢慢你就會知道自己應該點做，
你都需要時間去教你。

加油啊

痛苦!也是沒辦法的

他對你可能沒感情了
徹底放手吧

2013-07-18 17:14:09 補充：
如果是我我會放手!

現在最痛苦莫過於去接受她已經不愛你,也不在乎你了.

沒有什麼你可以為她做,因為很簡單. 她 再 不 需 要 你...

接受這痛苦帶給你感覺, 因為以後當你成功找到真的會珍惜你的人, 你會很高興你經歷了你和她的這一切

不要妄想去改變任何人,你能改變的只有你自己.

她改變了對她未必是壞事,但是你繼續陷入其中對你就不是一件健康的的事情.
你連自己都不好好愛惜自己, 要別人如何相信你能好好的去愛她?

你對佢傷心,只因你對佢還有感覺,但愛情唔係單方面既付出便足夠!即使你可為她付出你既一切,對方唔領情也是作廢吧!一個變了心的人,你只要用時間讓自己去死心,讓時間去沖淡過去的一切,理智地去尋找屬於自己的事情,用事實證明她知失去你是她的遺憾!唔好再為一個唔值得愛既人去禿廢及傷心,前面既路才是最重要,當你日後成熟了,回想年少時,你便會覺得愛情並不是最重要,還會覺得自己很傻氣!