男同事突然唔理我, 仲好似討厭我..

我剛轉了工, 同一個部门有位男同事係我gei partner (我地gei job duty係一樣), 頭一個星期他像大哥一樣很照顧我的, 我欠甚麼用具他放工替我買, 粗重野不会讓我做, 又主动教我野, 我連弯低身執野也会问我做咩事, 每天也是兩个人出去食lunch, 我很开心新同事咁nice & helpful…. 但自從有一晚他在幫我地间房(间房一直只有我, 佢同阿頭), 我问了好几次要否幫手他也說不用…跟住我舊公司的男同事打黎要我幫佢上网做D野, 咁个晚我留係公司幫舊男同事做左D research…. 唔知係咪关呢件事…. 第二朝返工同佢打招呼佢扮聾無理我 (頭一星期是他主动講早晨), 个日同佢講野冇乜反应, lunch time佢帶飯又唔出声走咗去, 等我仲on居居咁等(之前是他主动叫我食lunch的)….初初以為佢心情唔靚, 但过兩日又發覺佢只係唔同我講野..好似當我透明一樣, 对其他同事佢又談笑風生…. 現在每日打親招呼都唔应.. 明顯地避开我，试过几次當住一班同事面前用唔耐煩gei語氣寸我…. 试过问佢係咪有咩地方我做錯左佢又話冇野….. 現在我唯有采取的态度是你唔理我，工作之外也不理你。但同一间房, 日日面左左咁好怪, 自问頭一个星期又冇講错野/做错野….. 宜家搞到我工作上都唔敢同佢傾, 因為我唔想好似同空氣講野 (工作上如果问佢佢大致上仲肯答,但答得好精简, 亦唔会好前初初咁主動提点, 有D info 係要share用但我唔問佢就唔会share ga la…). 坦白講我想知咩事 (同佢熟gei同事都話頭一个星期我返工時佢好明顯比平時开心), 突然360度轉變我真係適应唔到(成个月la, 以前未遇过). 我知做同事唔一定要friend, 但現在感覺佢好讨厭我想我消失咁…. 基本礼貌都冇, 真係唔想做佢partner 兼留係同一间房….. 点解&点算? Thanks!