請問4吋x6吋的相片.(dpi)幾多才『標準』?

沒有所謂標準。基本上係越高越好。
好似人工咁，有人一萬夠，但係有人十萬都唔夠使！
但卻有最低要求！
dpi全名為dots per inch, 一吋入面有幾多點，如果係相片，拎去曬相舖，一般要求最少要180dpi，但如果相片質素不錯，150dpi不會有問題。
(但如要係做印刷，大多係做1200dpi，但只在於文字等。)
4R相片係4x6吋，以180dpi計即係最少要 720x1080。
圖片對電腦來說並沒有dpi，因為inch者係指實物的大小，而圖片只有實際點數。
比如說你有一張相片大小係 720x1080，標示為 72dpi，『理論』上打印出來會是 10吋乘15吋。
若你拿去曬相舖曬成4R，佢根本唔會睇你個dpi，而一定fit入去張相紙。
實際上，現時數碼相機所拍的相片內定的dpi大部份情況都無意義，因為不同相機像素不同，到最後打印到4R相紙相同大小，都唔係睇你那個dpi。
但你自行以photoshop打印會有分別！
你留心看打印時有選項，若以內定跟足dpi指示，剛才相片真的會打印成10x15吋，如要調校，在photoshop按IMAGE-IMAGE SIZE, alt-i,i，會看到圖片實際像素，即720x1080，你可以改個dpi由72改成180，記住下面resample一定要取消。按ok，photoshop實際什麼也沒有做過，圖片依舊，只係dpi改左。
不打印的話沒有分別。
若resample一項打勾，分別大矣！
若以上情況由72改為180，而且做resample，photoshop會認定你要加高dpi,即會保持原尺寸，加大dpi，即 720X1080變成 1800x2700。
若你以數學計一計會o岩翻條數，雖係未必你所想。
此舉大多沒有意義，因為所加的點係以數學方式插入，不能加高實際圖像清析度，而且點數多了要處理的資料作了無謂的添加。
但若你在拼圖時會有用。
若你用photoimpact等都有相似的選項。若用小畫家‧‧‧好像根本無提過dpi，你只能以實際像數估。

2013-07-16 16:50:27 補充：
依你拿去打印的要求：只要開一張新圖，大小為 720x1080或者 1080x720，然後把你要打印的公仔貼上，調整一下原圖的大小，移位等，存檔。拿jpeg去曬相舖就可以了。

現時數碼曬相店之標準是300dpi；即每邊之解像度是300 pixel/inch。
4吋x6吋的相片即是1200 x 1800 pixel。

這解像度之相片，我們普遍稱為200萬像素相片；相信現時大部份相機都已超出該規格。
所以我們不用特意去更改，以配合曬相店；因為曬相店之電腦會自動轉變去配合(即是縮影)。
反而如果你經編輯之相片，可能解像度會低於1200 x 1800 pixel，才要考慮利用軟件去調整；因曬相店之電腦的(擴展)能力並不太好，隨時出現粗微粒。

另外要注意，你如想相片解像度高於300 dpi，就要去一些專業廣告曬相店去特做；一般曬相店並不會提供高於300 dpi之相片解像度的。

通常彩色打印係600至1200dpi。