有D關於期指股票牛熊既問題想問

第一個要回答你嘅問題，你是想學「投機」唔係「投資」，因大部份投機涉及衍生工具，對投機者嘅要求無論係知識同紀律都比一般投資者高好多。短炒時間方面因人而異，我會覺得最長一個月，最短可以係幾分鐘甚至乎幾秒。如果你係買左股票蝕左唔走嘅「被迫長線」投資者，最好唔好接觸呢個市場，或者去上堂(但千其唔好去����啲堂話一個月賺百萬果隻)，有左機本認識先好去接觸。

如果用你個例子當然唔係賺好多甚至乎蝕手續費，但如果係$2 x 1,000,000股，升$0.05唔計手續費等於$50,000。計埋都有四萬幾。但有啲人冇大啦啦二百萬又想炒又點呢？佢地會去借孖展(借錢去賭)。例如有間經紀行大大隻字「一開十」，二十萬本金可買賣二百萬股票，����啲就係借孖展去炒。

期貨市場更加係炒家同賭徒嘅樂園，買賣前首先要放低按金，2013-07-10恆指大期按金$88,750細期$17,750，買升又真係升，買跌又真係跌的話，每一點大期賺$50細期賺$10，如果講一千點你照乘就可以。期指係有限期，多數人買賣即月同下月，遠期D都有。風險大，一日裏面上落二百點不足為奇，大期上落二百點等於$20,000($50x上200點+$50x落200點)。相當於本金兩成。因為風險大，所以要睇住果市，唔對路就止蝕。不過好少可會輸「突」，多數都係輸曬啲按金(金融風暴除外)。

因為好少可會輸突(換句話說，即係有機會輸突)，啲人就發明左窩輪同牛熊證，玩法大同小異，風險同樣大，不過就冇左輸突個機會。

因金融條例定明，銀行唔會有期貨服務，但佢地會有子公司做期貨，銀行同經紀行差唔多，主要係佣金平貴問題。

Daniel說得非常好!!!