◇◆壓力大☆★

我相信你唔止你父母對你有期望 我估你自己都會對自己響學業上都有一定的要求同期望! 欣賞你一直都有俾心機響學業上面 keep住考第一 但都可能咁慢慢咁變成一個習慣 所以宜家一趺左少少 個落差咁大 自己都未必承受到~有時咁大既期望 會令自己好大壓力 什至會影響自己的表演~

建議你都調較返一個合適的期望俾自己 ~ 同埋你都可以同爸爸媽媽傾返 睇返佢地究竟係咪真係咁高要求 有時可能係我地自己set個期望俾自己而唔係爸爸媽媽set到咁高俾自己 (可能爸爸媽媽覺得考80 or 70分已經好好 但係我地就可能成日都覺得要考頭幾名有獎拎先係好) 了解清楚返爸爸媽媽既期望或者可以減低到d你既壓力都未定:)

另外你講到成績既問題 你都可以檢視返今次退步既原因 (溫唔切/溫唔熟/唔明個課題?/考果日唔舒服) 有好多原因的 你可以睇返個原因 做下次溫習既參考 希望有所改善~

至於個同學仔方面 你可以主動同同學仔講 你想專心上堂 唔專心會跟唔上個進度 溫習會好吃力 希望佢可以俾空間你響課堂學習 要同佢講清楚的~你亦都可以提出 小息/午飯既時候先再同佢玩/傾談^_^

希望可以幫到你啦!加油呀~~~
有咩可以pm我 or add我fb傾都得 [email protected] ~~

同那同學說，如他還煩你，就跟老師說。