明白你成績一向幾好 但係響考試既時候發揮唔到 自己已經好擔心個成績問題 擔心個成績會有好大落差 自己會好失望 同時亦都承受住好多人對你既期望 老師又好 同學又好 屋企人又好 都俾到你好大既壓力
要處理自己既擔心擔憂 仲要處理埋身邊既人既期望 真係唔容易 明白你真係會好辛苦 逼到好緊 唔想去面對:(
我見到其實你都想將呢個壓力 呢個擔憂 同人分擔 但係又怕其他人俾既反應 覺得佢地唔明白你 結果自己宜家就好似響個荒島入面 走唔到 亦搵唔到野去依靠同支持
我都建議你將你心入面既擔憂同其他人講 其實你宜家既壓力 可能都黎自其他人對你既期望 你怕考得唔好佢地會好失望 你都可能怕自己令到別人失望既感覺 所以都想你將自己宜家呢份感覺同其他人分擔 減低自己既壓力
另外 都講到榜日快到 你自己都開始緊張擔憂 仲失眠 都想你諗下自己有冇d 平時會用既relax方法 好似 聽歌 畫畫 出去望下海 搵到方法可以令自己平靜!
同埋你自己有冇plan 定考咩成績會揀d咩科? 點排個jupas choice? 有時唔知自己既方向 迷惘 都會令自己既壓力同埋擔憂增加 我估你自己有定個準備 諗定個plan 都可以令自己安心少少
最後 俾條片你睇ah 希望你可以搵到人分擔到你宜家既憂慮
http://www.youtube.com/watch?v=e3VN0qdpK9s
可以隨時pm我 or fb add我傾的
[email protected]
or wts app我都得架~
放榜前後都可以打去d放榜專線ah 都會有d升學資料同埋輔導提供的~好似青協個DSE輔導熱線 27771112 你有需要都可以打去的!
加油!好多人會支持你!