個夢咩喻意?

夢既內容係我參加緊一個遊戲 : 鬥快完成一樣野 之後舉手 最快個3個有獎品, 主持遊戲既人有認識既 有唔認識既 而認識既人都係以前既同學。

最後有五個人舉手 由於主持既人睇唔到邊個比較快 個遊戲(竟然) 就甘不了了之,
但當其他人好順攤甘離場既時候 唔知點解我會走埋去問果D主持既人攞禮物 ,果個人就話 反正決定唔到頭三個最快 就睇下我地邊個自己黎攞先...於是我就做左第一個選擇禮物既人...

而佢地攞左三樣野出黎 : 第一個係一個鼓(夾BAND果的)　　第二個係一隻好大既水杯 有蓋的（原本唔知係水杯 因為都幾大隻 同佢係木皮甘既飾面又有蓋CUP住 開頭以為係水桶仔..） 第三樣就完全唔知係物(直到醒左都冇印象係咩...) 邢佢地全部都有密封既透明膠包裝住

我在第一同第二樣之間考慮 最後我選擇左第2樣:水杯 (當時我仲諗 正好我差隻水杯反工用...但我明明現實中已經有一隻) 個夢就係甘..

我想個 到底我而個夢係咪有咩喻意 定係只不過係求其發下既怪夢
聽人講夢見空既杯係代表會失利 損失 ,隻杯係我夢入面其實見唔知佢係空定有水(因為有蓋), 但佢有包裝 同夢中攞上手係覺得輕 所以我應該當佢係空啦,,,
但又聽人講夢見例水入隻杯到係有人會幫助你 (我選擇佢 既原因 除左係差隻杯用之外 我仲覺得佢甘大 可以倒到好多水入去,,,)

所以到底而個夢係好定唔好嫁..定其實一D都唔關事??

希望有高人為我解說下 感謝!!!!